1 Peter 3 (BBT1E)

1 Ji duiine nathek yiythek ne nawaithek ro geythek shii phi muii bo, ji-è ithek è hanyie yi Hamangkhung-aphuii miyaogam shii migi arek arone, nathek ro ziig è ithek shii yang ne migi rek yi phro. Nathek ne miyaogam yao chid pha miigak asi ro, 2 nyieliieshii ithek ne naro ziig ji khinyama igang nane ziig shii nuii chid phro ne riig ruii phro. 3 Nathek ne nawaithek shii khie rab pha nathek ro khaziang shii rab pha ji shii, chiih-è nathek yua shii khow pha mukho shii, chiih-è nathek guii pha yung shii fuang è chia pha nong ayie rabo. 4 Ji phachiang shii, nathek ro khie ji ne nawaithek ro iliing pha izai shii rey ne rai bo, jum pha idang pha khie nane liijiing ragung, nyie yi Hamangkhung-aphuii mieg moe shii ne zab è ibid um ro. 5 Buyo pha giang hò-amuiithek hanyie yi Hamangkhung-aphuii luthong ruii pho ne awaithek yi geythek shii phi pha ji è awaithek shii khie rab. 6 Sarah ne ji duiine ro; ai ne Abraham shii nuii srane aishii awai ithong rone ho. Nathek ne wie rek ne nyie shii arum arone nathek ne airo dimithek ro. 7 Ji duiine geythek nawaithek wie gao pha rog shii yiythek rog shii rai bo, ji-è ithek ne nathek è muna zia phro. Ithek shii ilab è yua bo, nyieliieshii Hamangkhung-aphuii ro chai pha lasen jine ithek de nathek rog shii mua ruii phro. Ji rek bo ji-è nathek ro misiathek rog shii hanyie è afa-afi arek gieng phro. 8 Jong sha: Nathek zab shii ò ziig nane ò thangthek ji um bo; nawaithek gai chung miie rai bo, chiih-è nawaithek gai chung bushun nane jum rek rai bo. 9 Awie pha ji shii awie pha idoh aphi rabo, chiih-è thamai pha ji shii idoh athamai rabo; ji pha chiang shii khirzey phi bo, nyieliieshii ai è nathek shii ho mage shii Hamangkhung-aphuii è khirzey phi pha rone sbang rek pha ji ne hì ro. 10 Jigigam shii yao,“nathek ne chai shii lubo rek yang aronechiih-è wie ishakthek riig yang arone,nathek ne awie pha ji ayao phachiih-è biidiie yao pha ji shii gak bo. 11 Nathek ne awie pha ji è khid srane wie rek bo;nathek ne liijiing pha chiang shii nawaithek ro zab lubu è bidiang bo. 12 Chiih-è Ithong è giangthek shii wie è riigchiih-è ithek ro misiathek shii yoi phi;Jimagunde ai ne hanyie è awie pha rekpho shii ne suang rek.” 13 Nathek è nyie wie ji shii rek bajo rek yang arone hanyie è nathek shii mua mage phlei? 14 Nathek ne nyie rangsua rek shii rangde nathek è diig rey arone, nathek ne khinyama sang ro! hanyie shii arum rabo chiih-è sam-adiig chid rabo. 15 Jimagunde nathek ro lubuthek ne Masi chiang shii boh ilab um bo, chiih-è aishii ne Ithong rone ilab rek bo. Nathek shii um pha luthong ji pha chiang shii yao bo è hanyie è lia ruii shii chang pha zab ishak ne khriig rek bo, 16 jimagude jum nane ilab rog shii rek bo. Nawaithek ro lubunow shii sang rek bo, ji-è nathek shii makhak-riing mage shii, Masi ro luagiengphothek rone nathek ro wie ziig shii hanyie è awie rone yao mage shii ithek è nyie yao pha ji shii biwo rey ruii phro. 17 Hì ne Hamangkhung-aphuii è yang arone, awie pha rek pha ji diig shii ne wie rek pha ji shii diig pha ji wie ba ro. 18 Nathek shii Hamangkhung-aphuii hà noh pha bran wie ne layogphothek lakhung shii Masi ne luang jia shii idang pha layog chiang shii iy dun. Ai ne siu shii ne iy dun, jimagunde ragung shii ne isieng rabjong ro, 19 chiih-è airo ragung è rai srane ai wuii dun chiih-è binmuii pha ragungthek shii yua. 20 Jithek ne hanyie è Hamangkhung-aphuii shii anuii pho ro ragungthek ro chiih-è Hamangkhung-aphuii ne ithek shii lubu phiang è khan pha ishak shii Noah ne awairo run ramuii ro. Run shii ne ìujia bran ro—zab ne miliao ro—ithek shii ne kho è ragia rey ge ro, 21 hanyie shii ne khowo pha cheb ji shii hiòg ro, hanyie nathek shii thuh ragia rek phi. Hì ne siu pha izia sud pha ji asi ro, jimagunde wie lubunow ji è Hamangkhung-aphuii è sbang rabjong ro. Hì ne Isu Masi hòi pha ji è nathek shii ragia rek ge ro, 22 hanyie ne hamang hà dun ne Hamangkhung-aphuii ro phazoi shii um ne, zab pha hamangkhliiethek shii nane hamang pha riichaithek chiih-è bluthek shii bokho muii ro.

1 Peter 3 (BBT1E)

In Other Versions