Revelation 9 (BBT1E)

1 Chiihphado guiichiieng pha hamangkhliie è awairo thu-ung thud mage. Gu è dadiang yi sohnyiak hà chiih pha doh, chiih-è ji shii bajo jam ihiung pha ziuwad phi. 2 Dadiang è bajo jam ihiung shii hong, chiih-è mukham yi boh bai fu pha ji è khia pha duiine, mukham yi ji hà kham; hasiang ichuang nane hasam ne bajo jam ihiung pha mukham ji è igiia rey dun. 3 Muroma yi mukham è sohnyiak lakhung shii chiih, chiih-è ithek shii ne ragungphiethek shii um muii pha ò ichua pha blu phi. 4 Ithek shii ne saingthek, dinne hingmuiithek dinne nyie misiengthek shii de amua yi rabo ne yao; ithek ne bran hanyie shii Hamangkhung-aphuii ro nab pha cheb yi ithek khrugthek lakhung shii oi pho shii ne diig rek bie bo. 5 Muromathek ne ji pha bran shii a-ua yi, jishii habie guii ithek shii diig phi yi. Ithek shii diig rek ne riie pha ji ne ragungphie è thak pha duiine riie pha ji ro. 6 Ji pha habie guii shii ithek ne rad ne iy pha sow ruii, jishii adoh ruii phro; ithek ne iy pha yang ruii phro, jishii iy pha ji ne ithek è khey maruii phro. 7 Muromathek ne sthuhthek yi mak shii saro pha duiine ro doh ro; ithek ro khrugthek shii ne san pha ragothek um pha mia, chiih-è ithek ro miziathek ne tharohthamang ro miziathek mia. 8 Ithek ro khaziang ne ho-amuiithek ro khaziang duiine mia, ithek ro shinying ne bargithek shinying mia ro. 9 Ithek ro lubuthothek ne shiie pha khugthek è chiiag pha duiine doh, chiih-è gow yi ithek ro iyigthek è bajo sthuh gariie yi mak shii rone ran pha duiine ro. 10 Ithek shii inyuithek um chiih-è ragungphie ro iyig duiine ro, chiih-è hì ne ithek ro inyuithek rog shii ithek shii ne branthek shii habie guii diig phi pha blu um ro. 11 Ithek lakhung shii saja khoh pha ne jia um ro, hanyie ji ne bajo jam ihiung pha ilkhi hamangkhliie ro. Airo ibeng Hebriu shii ne Abadon; Grekh ibeng shii ne Apholion (Miyaosiu ne Srobrophothek ro). 12 Igobi pha bajo diig ne jong sha ro; ji pha idoh shii bajo diigthek nyi ne wuii ba ruii ro. 13 Chiihphado riigchiieng pha hamangkhliie è awairo thu-ung thud mage. Gu è goh yi Hamangkhung-aphuii ibi shii riu pha san sraibao ijiuthek wi è ro pha yoi. 14 Gow è riigchiieng pha hamangkhliie shii yao, “Hanyie hamangkhliiethek wi shii Euphrathes khoboh shii phiing muii pha ji shii thoh phi bo!” 15 Hamangkhliiethek wi shii ne sey ge; chiih-è ji pha ishak shii ji pha inai shii ji pha habie shii ji pha idam shii zab pha uomrang tharohthamang shii ua pha sarojong. 16 Inpho pha siphahithek khama um pha ji ne gu shii yao: hì ne wieng nyi million ro. 17 Gu ibang shii gu ithek ro sthuhthek nane ithek ro inphothek shii doh: Ithek shii ne bai duiine ishaig khugthek um, iphi igong lubao duiine, chiih-è ijoi barud duiine ro. Sthuhthek khrug ne bargithek khrug duiine ro, chiih-è ithek ro semthek è ne bai, miikham, nane barud khia khlei. 18 Uomrang pha tharohthamang re-è jiarang shii ne awie pha muathek uom ji è bai, miikham, nane barud ne sthuhthek semthek è khia khlei ne ua muii. 19 Chiih-è sthuhthek ro blu ne ithek semthek shii nane ithek inyuithek shii de um. Ithek ro inyui khrugthek um pha phamthek duiine ro, chiih-è ithek è ithek shii khoh srane branthek shii diig phi. 20 Khey pha tharohthamang, zab hanyie shii ji pha awie pha muathek è a-ua ba pho ne, ithek awaithek è rab pha ji è akhid ro. Ithek ne Ibuiithek shii sia pha ne agak ro, chiih-è san, luman, lubao, nane hing, hanyie yi ariig mua, ayoi mua, dinne alua mua pha jangbangthek shii misiasia pha de agak ro. 21 Ithek ne awaithek ro sgohthek re-è, awaithek ro jadu re-è, awie pha siulao re-è, dinne awaithek ro mugo lubu akhid ro.

Revelation 9 (BBT1E)

In Other Versions