Romans 15 (BHUM)

1 इहैनिता हम सक्तिसाली हबै करके, हमही ढिलवा मनसे के कमजोरी हे मदत करै चाही अउ खुद के मगन नेहको करै चाही। 2 हमर मसे सबझन अपन परोसी के ओखर भलाई के निता, मगन करा कि ओखर उन्नत होय। 3 काखे मसीह अपन खुद के मगन नेहको करिस, पय जसना लिखवरे हबै, तोर बुराई करै बाले के, बुराई मोर हे आ गय हबै। 4 जेतका बात आगू लग लिखवरे गय हबै, ऊ हमरेन सिक्छा के निता लिखवरे हबै, कि हम धीर अउ भगवान कर बचन के उकसामै के दवारा आसा रखा। 5 धीर अउ सान्ति के दाता भगवान तुमही हइ बरदान दे, कि मसीह यीसु के जसना सक दूसर लग अक्ठिन मन रहा। 6 ताकि तुम अक्ठी मन अउ अक्ठी आरो हे, परभु यीसु मसीह के बाफ भगवान कर महिमा करा। 7 इहैनिता जसना मसीह भगवान कर महिमा के निता तुमही सुइकार करे हबै, ओसनेन तुम अक दूसर के सुइकार करा। 8 इहैनिता मै कथो कि मसीह जउन बादा बाफ दादा के दय गय रहिस, भगवान के सच्चाई के परमाड देय के निता, उनही मजबूत करै के निता, खतना करे हर मनसेन के सेबक मानथै। 9 अउ इहैनिता कि गैर यहूदिन के दया मिले, भगवान के भजन करै, जसना लिखवरे हबै,इहैनिता मै गैर यहूदी हे धन्यबाद करहुं,अउ तोर नाम के महिमा के भजन गाहुं। 10 फेर कथै,हे गैर यहूदी के सफ्फा मनसे, ओखर चेलन के संग मगन होबा, 11 अउ फेर,हे गैर यहूदी के सब मनसे परभु के भजन करा,अउ हे देस-देस के सगलू मनसे ओखर बडाई करा। 12 अउ फेर यसायाह कथै,इसै फेर अक्ठी जर परगट होही,अउ गैर यहूदी आसा रखही। 13 भगवान जउन आसा के दाता हबै, तुमही बिस्वास करै हे सबैमेर के मगन, अउ सान्ति लग भरपूर करा, कि पवितर आतमा के सक्ति लग तुम्हर आसा बढत जाय। 14 हे मोर भाइयो जिहां तक तुम्हर बारे हे बिना संकोच हव अउ बिस्वास हे तुम खुदय निक्खा अउ सगलू ग्यान लग पूर हबा अउ पूर समझ के संग अक दूसर के चेतन्त दइ सका। 15 तउभरमा मै कहुं-कहुं सुरता करवामै के निता, तुमही जउन बोहत हिम्मत करके लिखो, हइ ऊ दया के कारन हुइस, जउन भगवान मोके दय हबै। 16 कि मै गैर यहूदी के निता मसीह यीसु के हरवाह हुइके, भगवान के संदेस के सेबा याजक के जसना करव, जेखर लग गैर यहूदी के बलि चढामै, पवितर आतमा लग सुध्द बनके सुइकार करे जाय। 17 इहैनिता उन बातन के बारे हे, जउन भगवान लग मतलब रखथै, मै मसीह यीसु हे बडाई के सकथों। 18 काखे उन बातन के छांड मोके अउ कोनो बात के बारे हे, कहे के हिम्मत नेहको, जउन मसीह गैर यहूदी के वस हे होय के निता, बचन अउ करम, 19 अउ चिन्हा अउ अदभुत कामन के सक्ति लग अउ भगवान के पवितर आतमा के सक्ति लग मोरेन दवारा करिस, इहां तक कि मै यरुसलेम लग लइके, चारो चउगिरदा इल्लुरिकुस तक मसीह के संदेस के पूर-पूर परचार करव। 20 पय मोर मन के मगन हइ हबै, कि जछो-जछो मसीह के नाम नेहको लेथै, उहै संदेस सुनाहूं असना झइ होय कि दूसर के नीह हे घर बनाव। 21 पय जसना लिखवरे हबै,ओसनेन होय, जिनखर लिघ्घो संदेस नेहको पहुंचे हबै उहै देखही,अउ जउन नेहको सुनै हबै, उहै समझही। 22 इहैनिता मोके तुम्हर लिघ्घो आमै लग बेर-बेर रोकथै। 23 पय अब इन देसन हे मोर काम करै के निता अउ जिघा नेहको रथै अउ मै बोहत सालन लग तुम्हर लिघ्घो आमै के सोचत रहों। 24 इहैनिता जब मै स्पेन छो जहुं, ता तुम्हर लिघ्घो होत जहुं, काखे मोके आसा हबै कि ऊ यातरा हे तुम्हर लग मुलाखात होही अउ जब तुम्हर संग उठा-बइठक लग मोर मन कुछ भर जही, ता तुम मोके कुछ दुरिहां तक पठोय दइहा। 25 पय अबे तो मै पवितर मनसेन के सेबा, करै के निता यरुसलेम छो जथो। 26 काखे मकिदुनिया अउ अखाया के मनसेन के हइ, निक्खा लगिस कि सहभागी के कमरा हे यरुसलेम के पवितर मनसेन हे, गरीबन के निता कुछ चन्दा करी। 27 उनही तो निक्खा लगिस, पय उन उनखर करजदार हबै, काखे अगर गैर यहूदी उनखर आतमिक बातन हे साझा होय, ता उनोन के निक्खा हबै, कि देहन बातन हे उनखर सेबा करी। 28 इहैनिता मै हइ काम पूर करके अउ उनखर हइ चन्दा सउप के तुम्हर लिघ्घो होवत ओसनेन स्पेन के जइहों। 29 अउ मै जानथो के जब मै तुम्हर लिघ्घो अइहों, ता मसीह के पूर आसीस के संग अइहों। 30 हे भाइयो, हमर परभु यीसु मसीह के अउ पवितर आतमा के माया के धियान दिलाय के मै तुमही उकसामै के निता भगवान लग बिनती करथो कि मोर संग मिलके लवलीन रइहों। 31 मै यहूदिया के अबिस्वासी लग बचे रइहों अउ मोर ऊ सेबा जउन यरुसलेम के निता हबै, पवितर मनसे के भाही, 32 अउ मै भगवान के इक्छा लग तुम्हर निता खुसी के संग आयके तुम्हर संग अराम पाहूं। 33 सान्ति के भगवान तुम सगलू के संग रहै। ओसनेन होय।

Romans 15 (BHUM)

In Other Versions