Isaiah 45 (BONLT)
1 Ma e gima Jehova Nyasaye wachone Sairas,ngʼate moseyiero niya,“Asemako lweti ma korachwich,mondo ilo ogendini manie nyimi,kendo iketh teko mag ruodhi gigegi mag lweny,mondo iyaw dhoudi e nyime maonge dhorangeye mibiro lor. 2 Abiro telo e nyimikendo abiro pieyo gode madongo mogangore;anamuk dhorangeye mag nyinyokendo anangʼad ndigni mag dhorangeye mag chuma. 3 Anamiyi mwandu mopandi e mudho,mwandu mokan kuonde mopondo,mondo omi ingʼe ni An e Jehova Nyasaye ma Nyasach Israel,maluongi gi nyingi. 4 Nikech Jakobo jatichna, kendo nikech Israel mayiero,aseluongi gi nyingi kendo aseketo kuomi nonro mar luor,kata obedo ni ok iseyanga kamano. 5 An e Jehova Nyasaye, kendo moro onge;onge Nyasaye moro makmana an.Anamiyi teko, kata obedo ni pok iyanga kamano, 6 mondo omi ji ongʼe ni koa wuok chiengʼnyaka podho chiengʼ, onge ngʼat moro amora makmana an.An e Jehova Nyasaye, kendo moro onge. 7 An ema ne achweyo ler kod mudho,akelo gweth kod masira bende;An, Jehova Nyasaye ema timo magi duto. 8 “Un polo lwaruru tim makaremondo ochwer kaka koth e piny.Un piny yawreuru malach mondo warruok obi,mondo tim makare odongi e piny,an Jehova Nyasaye achweyo magi duto. 9 “Mano kaka ngʼama piem gi Jachwechne none malit,ngʼat ma en mana lowo mochwe,mantiere e kind lope mamoko.Bende lowo nyalo wachone jachwechne ni,‘En angʼo ma iloso?’Bende tich lweti nyalo wachoni ni,Onge gima iloso? 10 Inine malit in ngʼat mawachone wuon-gi ni,‘Angʼo minywoloni?’Kata ne min-gi ni,‘En angʼo maninywoloni?’ 11 “Ma e gima Jehova NyasayeJal Maler mar Israel, kendo Jachwechne wacho:Kuom gigo mabiro timore, bende inyalo penja kuom nyithinda,kata miya chik kuom tich lweta? 12 An ema ne achweyo pinykendo ne achweyo dhano e iye.Ne achweyo polo malach gi lweta awuon,kendo an ema ne aketo gik moko duto manie kor polo. 13 Kuom ratiro mara abiro tingʼo Sairas malo kama:Anami yorene duto oriere tir.Enochak oger dala maduongʼkendo omi joga manoter e twech obed thuolo,to ok en yor chudo kata yudo mich moro amora,Jehova Nyasaye Maratego owacho.” 14 Ma e gima Jehova Nyasaye wacho:“Gik moa Misri gi gige ohala mag Kush,to gi jo-Sabea ma roboche nobi iri,kendo ginibed magi;ginilu bangʼi ka gibiro,ka moro ka moro otwe gi nyororo.Ginikulre e nyimi kendo ka gisayi, kagiwacho ni,‘Adiera Nyasaye ni kodi, kendo onge moro amora;onge Nyasaye moro amora.’ ” 15 Adiera in Nyasaye modak apanda,yaye Nyasaye kendo Jawar mar Israel. 16 Jogo duto maloso nyiseche manononoyud wichkuot kod achaya;kendo giduto gininwangʼ wichkuot. 17 To Israel Jehova Nyasaye noresi gi warruok manyaka chiengʼ;wiwu ok nokuodi bende ok nochau nyaka chiengʼ. 18 Nimar ma e gima Jehova Nyasaye maNyasaye mane ochweyo polo,kendo mane ochweyo piny mondo ji odagieto ok ni mondo piny obed maonge ji,owacho niya:“An e Jehova Nyasaye kendo onge moro machielo. 19 Ok asewuoyo kama opondo,kata kama otimo mudho;ok asewachone nyikwa Jakobo ni,‘Manyauru kayiem nono.’An, Jehova Nyasaye, awacho adiera; awacho gima kare. 20 “Chokreuru kanyakla kendo ubi;chokreuru, un joma otony moa e pinje.Joma ofuwo gin jogo mawuotho kotingʼo nyiseche mopa mag yien,malamo nyiseche ma ok nyal resogi. 21 Wach gima biro timorekendo yange e lela mondo mi gilalre kanyakla.En ngʼa mane ofwenyo wachni chonkendo mane owacho chon ni obiro timore?Donge ne en an, Jehova Nyasaye?Kendo onge Nyasaye moro makmana an,Nyasaye makare kendo ma Jawar;onge moro amora makmana an. 22 “Biuru ira un joma oa e tungʼpiny gi tungʼ piny nimar unuyud resruok;nimar an Nyasaye, kendo onge moro amora. 23 Asesingora an awuon,kendo dhoga osewacho gi ratiro duto wach ma ok bi kethi ni:Ji duto nogo chong-gi piny e nyima;kendo ngʼato ka ngʼato nosingre gi nyinga. 24 Giniwach kuoma ni,‘Kuom Jehova Nyasaye kende ema iyudoe adieri kod teko.’ ”Jogo duto manopiem kode nochungʼ e nyime gi wichkuot. 25 To kuom Jehova Nyasaye,nyikwa Israel duto noyudi ka joma nikare kendo man-gi duongʼ.