Romans 9 (MNT)
1 ታኣኒ ኪሪስቶሴ ዓሲታሢሮ ጎኔ ኬኤዛፓዓቴም ሉኡቁዋሴ፤ ዓያና ጌኤሺ ዔኪ ዓኣዻ፥ ታኣኮ ጋሮ ዒና'' ታ ሉኡቁዋኣሢ ታኣም ማርካዻኔ። 2 ዼኤፒ ዖዪሢና ጋፑዋ ማሊሢና ታኣኮ ዒና'' ዓኣኔ፤ 3 ታኣኮ ዓሽኮ ዒጊኖ ማዔ፥ ታ ፃጶ ዛሎ''ሮ ኪሪስቶሴይዳፓ ዱማዼም ፆኦሲ ጋዳማ ታና ሄላ''ቶ ቃራታዖኬ። 4 ዒስራዔኤሌ ዓሳ ፆኦሲኮ ዶኦሪንቴ ዴሬኬ፤ ፆኦሲያ ዔያቶ ፔ ናይ ማሄኔ፤ ፔ ቦንቾዋ ዔያቶም ዻዌኔ፤ ጫኣቁሞዋ ዔያቶና ዒ ጫኣቄኔ፤ ዎጌያ ዔያቶም ዒንጌኔ፤ ጎኔ ካኣሺያ ዔያቶም ዻዌኔ፤ ሃጊ ማዓንዳ ዎዛ ቃኣላኣ ዔያቶም ዒንጌኔ። 5 ዔያታ ሾይንቶና ዓዶንሢ ፃጳፓ ሙኬያኬ፤ ኪሪስቶሴያ ዓሲ ማዒ ሾይንቴሢ ዔያቶይዳፓኬ፤ ዒዚ ጋዓንቴ ቢያሢዳፓ ዑሣ ማዔያኬ፤ ሃሣ ዓንጂንቴ ፆኦሲኬ፤ ዓኣሜን። 6 ያዺ ማዔቴያ ፆኦሲ ቃኣላ'' ሓሺ''ንቴኔ ጌይሢቱዋሴ፤ ሓሣ ዒስራዔኤሌ ዜርፃ ጉቤ ጎኔ ዒስራዔኤሌ ዓሲኬ ጌይሢቱዋሴ። 7 ዬያጉዲ ሃሣ ዓብራሃሜ ዜርፃ ቢያ ፆኦሲ ናይኬ ጌይሢቱዋሴ፤ ዎይቲ ጌዔቴ ፆኦሲ ዓብራሃሜም፦ «ዜርፃ ኔኤኮ ዔኤሊ''ንታንዳሢ ዪሳኣቄ ዛሎ''ናኬ» ጌዔሢሮኬ። 8 ዬያሮ ዓብራሃሜይዳፓ ሾይንቲ ሌሊ ሾይንቴ ዓሳ ፆኦሲ ናይቱዋሴ፤ ጋዓንቴ ዓብራሃሜ ዜርፆ ማዒ ፓይዲንቴዞንሢ ሃጊ ማዓንዳ ዎዛ ዒንጊንቴ ናኣቶ''ኬ። 9 ዬይ ፆኦሲ ዒንጌ ዎዛ''፦ «ሙካ ሌዓ ሃይማ ዎዶ'' ታ ሙካንዳኔ፤ ሳኣራ ዒማ''ና ዓቲንቄ ናይ ሾዓንዳኔ» ጋዓያኬ። 10 ዬያ ሌሊቱዋንቴ ኑ ፃጶ ማኣሮኮ ዓዳሢ ማዔ፥ ዪሳኣቄም ዒርቢቃ ሜንቴ ናይ ጎጳዼ ዎዶ''ና፥ 11 11-12 ፆኦሲኮ ዶኦሪፃ፦ ማዾ ዛጊቱዋንቴ ዶኦራኒ ኮዔሢ ዶኦራኒ ዳንዳዓያ ማዔሢ ዔርዛኒ ላምዖ ናኣታ'' ሾይንቲ ፑርታኣ ማዖም ኮሺ ባኣዚ'' ማዻንዳሢኮ ቤርታ ፆኦሲ ዒርቢቃም፦ «ቶይዲ ጌኤዚም ማዻያ ማዓንዳኔ» ጌዔኔ። 13 ዬይያ፦ «ያይቆኦቤ ታ ናሽኬኔ፤ ዔኤሳዎ ጋዓንቴ ታ ዒፄኔ» ጌይንቲ ፃኣፒንቴሢጉዴያኬ። 14 ዓካሪ ኑ ዎዚ ጋዓንዳይ? «ፆኦሲ ዓሲ ዱማሳኔ» ኑ ጋዓኒ ዳንዳዓ? «ፆኦሲ ዓሲ ዱማሳኔ» ፔቴ''ታዖ ኑ ጋዓኒ ዳንዳዑዋሴ! 15 ዓይጎሮ ጌዔቴ ፆኦሲ ሙሴም፦«ታ ማኣራኒ ኮዓሢ ማኣራንዳኔ፤ሚጪንታኒ ኮዓሢማኣ ታ ሚጪንታንዳኔ»ጌዔኔ። 16 ዬያሮ ፆኦሲ ዓሲ ዶኦራሢ ዓሲ ማሊሢና ዓሲ ማዾና ዛጊቱዋንቴ ዒዛኮ ማኣሪፆናኬ። 17 ያዺታሢሮ ጊብፄ ካኣቲም፦ «ታ ዎልቆ ኔ ዛሎ''ና ታ ዻዋኒና ሱ'ንፃኣ ታኣኮ ዓጮ'' ቢያይዳ ዔርቴያ ማዓንዳጉዲ ታ ኔና ካኣታሴኔ» ጌይንቲ ፃኣፒንቴኔ። 18 ዬያሮ ፆኦሲ ኮዔሢ ማኣራኔ፤ ዒና ባይቃንዳጉዲ ዒ ኮዔሢኮ ዒኖ'' ማሉዋጉዲ ዶዲሻኔ፤ 19 ዓካሪ፦ «ፆኦሲ ማሊሢ ማካኒ ዳንዳዒንቱዋያ ማዔቴ ፆኦሲ ዓሶ ዓይጎሮ ‹ፑርታ ማዼኔ› ጌይ ጎራ''ይ» ጋዓይ ናንዳኔ። 20 ሓይ ዓሢ ኔ! ፆኦሲና ዎላ'' ማርማኒ ዓይጎ ዎልቄ ኔኤኮ ዓኣይ? ማዢንቴሢ ማዤሢ ኮራ፦ «ኔ ታና ዓይጎሮ ሃያይዲ ማዤይ?» ጋዓኒ ዳንዳዓ? 21 ዖቲ ማዣሢ ዢኢጬ ዓጪዳፓ ዔኪ ፔቴ'' ባኬሎ ቦንቺንታያ ማሂ፤ ባጎዞ ቦንቺንቱዋያ ማሂ ማዣኒ ዳንዳዑዋዓዳ? 22 ፆኦሲ ዻጎ ጎሪ''ንቶ ፔኤኮ ዻዋኒና ዎልቆ ፔኤኮ ዔርዛኒ ኮዒ ባይሲንቶም ጊኢጊንቴዞንሢ ሚርጌና ጊቢ'' ዳንዳዓያ ማዔቴሽ! 23 ዬያ ዒዚ ማዼሢ ቤርታዺ ቦንቾም ዒ ጊኢጊሼ፥ ዒ ማኣሬ ዓሶም ዒዛኮ ቦንቾ ዼኤፑሞ ዻዋኒኬ። 24 ዒ ማኣሬ ዓሶ ዓይሁዳፓ ሌሊቱዋንቴ ዓይሁዴ ማዒባኣ ዓሶይዳፓኣ ኑና ዔኤሌ''ኔ። 25 ዬይያ፦ ፆኦሲ ማሊፆ ኬኤዛ'' ሆሴዔ ዛሎ''ና«ታ ዴሬ ማዒባኣ ዓሶ‹ታ ዴሬ!› ጌይ ታ ዔኤላ''ንዳኔ፤ታ ናሽኩዋ ዴሮ'' ‹ታኣኒ ናሽካዞንሢ!›ጌዒ ታ ዔኤላ''ንዳኔ፤ 26 ዔያታ ‹ዒንሢ ታኣኮ ዴሬቱዋሴ› ጌይንቴ ቤዞይዳ‹ናንጊና ባይቁዋ ፆኦዛሢ ናኣቶ''› ጌይንታንዳኔ»ጌይንቴሢጉዴያኬ። 27 ፆኦሲ ማሊፆ ኬኤዛ ዒሲያሴዒስራዔኤሌ ዓሶ ዛሎ'' ዑኡዞ ዼ'ጊዲ፦«ዒስራዔኤሌ ናኣቶ''ኮ ፓይዳ''ባዞ'' ማኣሻሎ''ጉዲ ሚርጌቴያዔያቶይዳፓ ዻቃንዳዞንሢ ዻካ'' ሌሊኬ። 28 ዬይያ ፆኦሲ ናጉዋዖሩኡሪና ዓጮ''ይዳ ዎጋንዳሢሮኬ» ጌዔኔ። 29 ዬያጉዲ ሃሣ ዒሲያሴ ኬኤዛዖ፦«ቢያ ባኮ ዎይሣ ጎዳሢ ዜርፆ ኑኡኮ ዓይሲባኣያታቴሶዶሜና ጋሞራና ካታማ'' ባይቄሢጉዲኑኡኒ ሄኤዶ ባይቄያ ናንዳንቴኬ» ጌይ ቤርታዺ ኬኤዜኔ። 30 ዓካሪ ኑ ዎዚ ጎዖንዶይ? ኪሪስቶሴ ጉሙርቂሢና ጴዻ ፂሉ''ሞ ላቢ'' ኮዒባኣ፥ ዓይሁዴቱዋ ዓሳ ዴንቄኔ፤ 31 ጋዓንቴ ዎጌይዳፓ ጴዻ ፂሉ''ሞ ኮዔ፥ ዒስራዔኤሌ ዓሳ ዎጎ ኩንሣኒ ዳንዳዒባኣሢሮ ፂሉ''ሞ ዴንቃኒ ዳንዳዒባኣሴ። 32 «ዓይጎሮ ፂሉ''ሞ ዴንቂባኣይ?» ጌዔቴ ዔያታ ፂሉ''ሞ ዴንቃኒ ኮዔሢ ፆኦሲ ጉሙርቂሢናቱዋንቴ ማዾና ማዔሢሮ ዹቃ ሹጫሢዳ ዔያታ ዹቂንቴኔ፤ 33 ዬይያ፦«ሓይሾ፤ ዓሲ ዹቃ ሹቺፂዮኔይዳ ታ ጌሤኔ፤ዬይ ሹጫሢ' ዓሲ ዹቂ፥ ዓጋ ላሌኬ።ዒዛ ጉሙርቃሢ ጋዓንቴ ቦርሲንታዓኬ»ጌይንቲ ፃኣፒንቴሢጉዲኬ።