Romans 9 (TNFD)

1 Yad Klays bɨne mɨdebin tek, nɨŋɨd yɨbɨl agɨnɨgebin, yepɨs ma agɨnɨgebin. God Kawnan ne ak yɨp kod mɨdɨl gos ñek, chɨbol nab yad ayaŋ mɨdtep gek yad anɨgɨl nepin, nɨŋɨd yɨbɨl agɨnɨgebin. 2 2-3 Pelpel binɨb yad Yislel okok kɨlop gos nɨgen, yɨp mɨŋel awl yɨbɨl gaknɨŋ gos awl yɨbɨl nepin. Pen yad anɨgɨl gos nepin, God binɨb yad okok kɨlop dɨnɨmuŋ. Anɨb ak Klays ne gos yad ak kɨdek gonɨmuŋ tek lenɨgab, yad nop agnɨŋɨd agebin, Yad binɨb yad nab okok mɨden yɨp dɨyoke mab ke yɨneb ayaŋ pɨsnep amen, binɨb yad okok kɨli tep yad ak dɨnɨgel agebin. Anɨgɨl gɨpɨkop, tep yɨbɨl yobɨkop. 4 Binɨb anɨb okok, Yislel binɨb mɨdebal. God kɨlop agek ñapay ne mɨdel, kɨles ne ak mɨlek tep ne ak kɨlop yomek nɨgɨlak. Ne kɨlop takaw ag adek nokom lɨl, takaw ne agek Mosis ñu kɨl tɨkak ak kɨlop ñak. God ne kɨli yɨp anɨgɨl kɨgom yɨmɨl agnɨgɨnɨgel agɨl, anɨb anɨb gɨnɨmɨb ak agek anɨgɨlak. Tap olap gɨnɨgayn agɨl aglak okok kɨlop agñak. 5 Based kɨli yɨb awl yɨbɨl dɨlak. Jɨj nokom anɨb anep tɨk dad amɨl apɨl gɨl, Klays nop bɨ yɨbɨl tek tɨk lɨlak. Klays nop tɨk lɨlak anɨb ak, ne God mɨdeb, Bɨawl yɨbɨl mɨdɨl tap okok mɨdupsek kod mɨdeb. Anɨb ak yɨb nop pel pelnep dad aplanɨgun. Yaw. 6 Yad pen God ne tap olap gɨnɨgayn agɨl aglak ak, apyap pakak agɨl ma agebin. Mel. Chɨn nopun, Yislel binbɨ mɨdebal okok, kuŋay yɨbɨl Yislel binbɨ nɨŋɨd yɨbɨl mel. 7 Pen abe, Eblaham binɨb ne tɨkek tɨk dad amɨl tɨkɨlak okok, kuŋay yɨbɨl Eblaham binɨb ne nɨŋɨd yɨbɨl mel. God pen Eblaham nop anɨb agak, Ñɨnak Aysak tɨke tɨkel amnɨgab okok, kɨlop nep ñapay nad agɨnɨgayn agak. 8 Takaw agak anɨb ak, jɨj ak anɨgɨl mɨdeb. Eblaham ñapay ne tɨkek tɨkel amnɨgab okok, kɨli God ñapay ne mɨdebal agɨl gos ma nɨgɨnɨgun. Mel. God pen Eblaham nop tap olap gɨnɨgayn agɨl aglek, Eblaham ñɨ anɨb ak tɨkek tɨkel amnɨgab okok, kɨli nep Eblaham ñapay ne yɨbɨl mɨdebal agɨl gos nɨgɨnɨgun. 9 Pen God tap olap gɨnɨgayn agɨl aglak ak, ne anɨb agak, Ñɨn olap yad aglɨnek ak, adɨkɨd apen, bin nad Sala ñɨ olap tɨkɨnɨgab agak. 10 Pen adek anɨb ak nep, takaw olap sek mɨdeb. Ñɨ omɨŋal bin Lebeka kɨlop tam sek tɨkak ak, nap nokom yelak. Bɨ nɨm ak based chɨn Aysak. 11 11-12 Pen ñɨ omɨŋal ma tɨkak won ak, kɨli gɨtep gep akaŋ gɨ tɨmel gep ak, anɨgɨl ma gel, God Lebeka nop agak, Ñɨ nad ned tɨkɨnɨgaban ak, ne ñɨ kɨdek ak muk okok mɨdɨl, wog nop gɨñɨnɨgab agak. Anɨb ak chɨn nopun, God gos ne ke nɨŋɨd pelpel gup ak, ne kɨdek gɨl, binɨb okok kɨlop aglup. Ne binbɨ wog gɨpal ak nɨŋɨd, kɨlop ma aglup. Gos ne ke nɨŋɨd, kɨlop suk agɨl aglup. 13 Tap anɨb okok, buk Baybol ak anɨgɨl tɨkɨl agak, Ñɨ kɨdek Jekop nop nɨgen yɨp tep gup, ñɨ ned Yiso nop nɨgen yɨp tep ma gup agak. 14 Anɨb ak chɨn tay agɨnɨgobun? God yɨpɨd gɨl ma gup agɨnɨgun akaŋ? Mel yɨbɨl, anɨb ma agɨnɨgun. 15 Ne Mosis nop anɨb agak,Yad bɨ an nop mapen nɨŋɨd dɨtep gɨnɨg, nop mapen nɨŋɨd dɨtep gɨnɨgayn agak. Yad bɨ an nop chɨb nɨŋɨd gɨtep gɨnɨg, nop chɨb nɨŋɨd gɨtep gɨnɨgayn agak. 16 Anɨb ak, God binɨb okok kɨlop aglɨnɨg, gos kɨli ke nepal ak nɨŋɨd, wog kɨles gɨpal ak nɨŋɨd, kɨlop ma aglup. Mel. Binɨb kɨlop mapen nɨŋɨd dɨtep gup okok nep, kɨlop aglup. 17 Pen buk Baybol mɨgan ayaŋ, God ne man Yijip adaŋ bɨnonɨm olap nop, takaw olap agak. Anɨb agak, Gos yad anɨgɨl mɨdeb, yad nep gɨ tɨmel yɨbɨl gek, kɨles awl yad ak mɨseŋ lɨnɨgab agak. Mɨseŋ lek nɨŋɨd, binɨb okok kɨli man okok mɨdupsek agñɨnɨgabal, God yɨb awl yɨbɨl mɨdeb agñɨnɨgabal agak. Anɨb ak tek yad nep Yijip bɨnonɨm ak aglebin agak. 18 Anɨb ak chɨn nopun, God gos ne ke nɨgup tek, binɨb ogɨnap kɨlop mapen nɨŋɨd dɨtep gup. Pen God gos ne ke nɨgup tek, binɨb ogɨnap kɨlop gek, gos kɨli nepal ak kɨdɨl amek nop ma dɨpal. 19 God anɨgup ak, bɨ nɨbi olap nɨŋɨd anɨb agɨnɨgaban, God ne ke tap okok gɨnɨm agɨl gos nɨgup agɨnɨgaban. Chɨn God gos tɨmud nop ak tɨbɨlɨkep tek ma mɨdeb agɨnɨgaban. Anɨb ak taynen ne tap tɨmel gɨpun ak nɨŋɨd, chɨnop takaw awl agɨnɨgab agɨnɨgaban. 20 Nad pen anɨb agɨnɨgaban ak, nad bɨawl an tek mɨdɨl, God takaw nop ak day dɨnɨgaban? Day dɨl, takaw nop ak tɨbɨlɨkɨnɨgaban. Bɨ olap lum ak dɨl, sɨge cheg ak gɨlɨnɨgab ak, sɨge cheg ne bɨ anɨb ak nop pen agonɨmuŋ, Yɨp taynen anɨgɨl gɨlɨpan agɨl agonɨmuŋ tek ma lup. Mel yɨbɨl. 21 Bɨ sɨge cheg gɨlɨnɨgab ak, gos ne ke nɨgek nop tep gɨnɨgab tek gɨlɨnɨgab. Lum bad nokom olap tɨgɨluk dad apɨl, sɨge cheg omɨŋal gɨlɨl, olap sɨge cheg teplep ak wog ne teplep yɨbɨl gɨnɨgab ak, olap sɨge cheg yokɨp ak wog ne yokɨp gɨnɨgab ak gɨlak. Ak takaw ma mɨdeb. 22 God ne anɨgup ak anɨb ak nep mɨdeb. Ne binɨb kɨlop tɨmel nɨŋɨd yul awl ñɨbin ak mɨseŋ len, kɨles tɨmel yad ak nɨgtep gɨlaŋ agɨl gos nɨgup. Anɨb ak tek binɨb anɨb okok, kɨli sɨge cheg tek mɨdebal ak, kɨlop tɨmel nɨŋɨd yul awl ñɨnɨgab. Ne kɨlop gɨ tɨmel gɨnɨg ak pen, kasek ma gup. Kɨlop kelɨgɨl mɨd dad amɨl, kɨdek won ak gɨ tɨmel gek kul gɨnɨgabal. 23 Pen ne binɨb kɨli kɨles tɨmel yad ak mɨlek tep awl yɨbɨl yad ak abe nɨgtep gɨlaŋ agɨl gos nɨgup. Binɨb kɨlop mapen nɨgup okok, kɨli sɨge cheg tep tek mɨdebal ak, kɨles ne mɨlek tep ne anɨb ak kɨlop monmon ñub. Pen binɨb anɨb okok, God bɨlel kɨlop gek, kɨli kɨles ne mɨlek tep ne ak dɨnɨg mɨdebal. 24 Binɨb God kɨlop mapen nɨŋɨd suk agɨl agak okok, chɨn nep nɨm. Pen chɨn Juda binɨb okok nep mel, chɨn binɨb Juda mel okok abe suk agɨl agak. 25 Takaw anɨb ak tek, buk Baybol mɨgan ayaŋ bɨ Hoseya ne tɨkak ak, God anɨb agak,Binɨb kɨli binɨb yad ma yelɨgɨpal okok, kɨlop binɨb yad agɨnɨgayn agak. Pen binɨb man wakay olap nɨb kɨlop mapen ma lelɨgɨpin okok, kɨli binɨb mapen yad agɨnɨgayn agak. 26 Pen man kɨli yelɨgɨpal ak yad kɨlop agɨnek, Nɨbi binɨb yad ma mɨdebɨm agɨnek agak. Pen man kɨli anɨb ak nep, kɨlop agɨnɨgayn, Yad God pel mɨdep ak, nɨbi ñapay yad mɨdebɨm agɨnɨgayn agak. 27 27-28 Pen buk Baybol mɨgan ayaŋ bɨ Aysaya ne tɨkak ak, ne Yislel binɨb kɨlop gos nɨŋɨd takaw kɨles gɨl agak,Bɨawl ak ne binɨb lum awl yenɨgabal okok kɨlop tɨg asɨk bɨlokɨl, kasek gɨ day junɨgab agak. Pen Yislel binɨb, kɨli ñɨg solwala gol okok kab kɨlup tek kuŋay yɨbɨl yenɨgabal ak pen, Bɨawl ak ne yep kab olap nep tɨg asɨk dɨnɨgab agak. 29 Tap anɨb okok, ned Aysaya ne anɨgɨnɨgab agak tek gak. Ne anɨb agak,Bɨawl kɨles ne mɨdupsek dɨ mɨdeb ak, ne binɨb chɨnop yep kab olap nep tɨg asɨk dup agak. Pen ma tɨg asɨk dɨl nɨm, chɨnop gɨ tɨmel gek pɨsnep kul gɨpɨnop agak. Binɨb taun Sodom ayɨp taun Gomola ayɨp kɨlop gɨ tɨmel gek pɨsnep kul gɨlak tek, chɨnop gɨpɨkop agak. 30 Anɨb ak chɨn tay agɨnɨgobun? Anɨb agɨnɨgun. Binɨb Juda mel okok, kɨli God agak tek kɨdek gɨl yɨpɨd gɨl yonɨgun agɨl gos ak ma nɨgelɨgɨpal. Ma nɨgelɨgɨpal ak pen, God agak tek kɨdek gɨl yɨpɨd gɨl mɨdebal. Kɨli God nop gos lɨnɨgel God kɨlop gek, God agak tek kɨdek gɨl yɨpɨd gɨl mɨdebal. 31 Yislel binɨb pen, kɨli takaw Mosis ñu kɨl tɨkak ak kɨdek gɨl, chɨn anɨgɨnɨgun ak nɨm, God agak tek kɨdek gɨl yɨpɨd gɨl yonɨgabun agɨl, gos ak nɨgelɨgɨpal. Kɨli gos anɨb ak kɨles gɨl kɨdek gelɨgɨpal ak pen, anɨb ak ma dɨpal. 32 Taynen ma dɨpal? Kɨli kɨles chɨn ke wog gɨl, God agak tek kɨdek gɨl yɨpɨd gɨl yonɨgun agɨl, anɨgɨpal. Kɨli God nop gos lɨnɨŋɨd, yɨpɨd gɨl yonɨgun agɨl, gos anɨb ak ma nepal. Kab adek ak amnɨgel tek mɨdaknɨŋ, tob kɨli ak aldek apyap pakɨpal. 33 Takaw anɨb ak tek buk Baybol ak tɨkɨl agak,Nɨgɨm. Yad taun Sayon kab olap len, binɨb okok tob kɨli ak adek anɨb ak aldek apyap pakɨnɨgabal agɨl tɨkak. Kab kɨles tɨmel anɨb ak, tob kɨli ak aldek mɨduŋ amɨl apyap pakɨnɨgabal agɨl tɨkak. Pen binɨb nop gos lɨnɨgɨnɨgabal okok, nebeŋ ma dɨnɨgabal agɨl tɨkak.

In Other Versions

Romans 9 in the ANGEFD

Romans 9 in the ANTPNG2D

Romans 9 in the AS21

Romans 9 in the BAGH

Romans 9 in the BBPNG

Romans 9 in the BBT1E

Romans 9 in the BDS

Romans 9 in the BEV

Romans 9 in the BHAD

Romans 9 in the BIB

Romans 9 in the BLPT

Romans 9 in the BNT

Romans 9 in the BNTABOOT

Romans 9 in the BNTLV

Romans 9 in the BOATCB

Romans 9 in the BOATCB2

Romans 9 in the BOBCV

Romans 9 in the BOCNT

Romans 9 in the BOECS

Romans 9 in the BOGWICC

Romans 9 in the BOHCB

Romans 9 in the BOHCV

Romans 9 in the BOHLNT

Romans 9 in the BOHNTLTAL

Romans 9 in the BOICB

Romans 9 in the BOILNTAP

Romans 9 in the BOITCV

Romans 9 in the BOKCV

Romans 9 in the BOKCV2

Romans 9 in the BOKHWOG

Romans 9 in the BOKSSV

Romans 9 in the BOLCB

Romans 9 in the BOLCB2

Romans 9 in the BOMCV

Romans 9 in the BONAV

Romans 9 in the BONCB

Romans 9 in the BONLT

Romans 9 in the BONUT2

Romans 9 in the BOPLNT

Romans 9 in the BOSCB

Romans 9 in the BOSNC

Romans 9 in the BOTLNT

Romans 9 in the BOVCB

Romans 9 in the BOYCB

Romans 9 in the BPBB

Romans 9 in the BPH

Romans 9 in the BSB

Romans 9 in the CCB

Romans 9 in the CUV

Romans 9 in the CUVS

Romans 9 in the DBT

Romans 9 in the DGDNT

Romans 9 in the DHNT

Romans 9 in the DNT

Romans 9 in the ELBE

Romans 9 in the EMTV

Romans 9 in the ESV

Romans 9 in the FBV

Romans 9 in the FEB

Romans 9 in the GGMNT

Romans 9 in the GNT

Romans 9 in the HARY

Romans 9 in the HNT

Romans 9 in the IRVA

Romans 9 in the IRVB

Romans 9 in the IRVG

Romans 9 in the IRVH

Romans 9 in the IRVK

Romans 9 in the IRVM

Romans 9 in the IRVM2

Romans 9 in the IRVO

Romans 9 in the IRVP

Romans 9 in the IRVT

Romans 9 in the IRVT2

Romans 9 in the IRVU

Romans 9 in the ISVN

Romans 9 in the JSNT

Romans 9 in the KAPI

Romans 9 in the KBT1ETNIK

Romans 9 in the KBV

Romans 9 in the KJV

Romans 9 in the KNFD

Romans 9 in the LBA

Romans 9 in the LBLA

Romans 9 in the LNT

Romans 9 in the LSV

Romans 9 in the MAAL

Romans 9 in the MBV

Romans 9 in the MBV2

Romans 9 in the MHNT

Romans 9 in the MKNFD

Romans 9 in the MNG

Romans 9 in the MNT

Romans 9 in the MNT2

Romans 9 in the MRS1T

Romans 9 in the NAA

Romans 9 in the NASB

Romans 9 in the NBLA

Romans 9 in the NBS

Romans 9 in the NBVTP

Romans 9 in the NET2

Romans 9 in the NIV11

Romans 9 in the NNT

Romans 9 in the NNT2

Romans 9 in the NNT3

Romans 9 in the PDDPT

Romans 9 in the PFNT

Romans 9 in the RMNT

Romans 9 in the SBIAS

Romans 9 in the SBIBS

Romans 9 in the SBIBS2

Romans 9 in the SBICS

Romans 9 in the SBIDS

Romans 9 in the SBIGS

Romans 9 in the SBIHS

Romans 9 in the SBIIS

Romans 9 in the SBIIS2

Romans 9 in the SBIIS3

Romans 9 in the SBIKS

Romans 9 in the SBIKS2

Romans 9 in the SBIMS

Romans 9 in the SBIOS

Romans 9 in the SBIPS

Romans 9 in the SBISS

Romans 9 in the SBITS

Romans 9 in the SBITS2

Romans 9 in the SBITS3

Romans 9 in the SBITS4

Romans 9 in the SBIUS

Romans 9 in the SBIVS

Romans 9 in the SBT

Romans 9 in the SBT1E

Romans 9 in the SCHL

Romans 9 in the SNT

Romans 9 in the SUSU

Romans 9 in the SUSU2

Romans 9 in the SYNO

Romans 9 in the TBIAOTANT

Romans 9 in the TBT1E

Romans 9 in the TBT1E2

Romans 9 in the TFTIP

Romans 9 in the TFTU

Romans 9 in the TGNTATF3T

Romans 9 in the THAI

Romans 9 in the TNT

Romans 9 in the TNTIK

Romans 9 in the TNTIL

Romans 9 in the TNTIN

Romans 9 in the TNTIP

Romans 9 in the TNTIZ

Romans 9 in the TOMA

Romans 9 in the TTENT

Romans 9 in the UBG

Romans 9 in the UGV

Romans 9 in the UGV2

Romans 9 in the UGV3

Romans 9 in the VBL

Romans 9 in the VDCC

Romans 9 in the YALU

Romans 9 in the YAPE

Romans 9 in the YBVTP

Romans 9 in the ZBP