1 Corinthians 14 (SBITS2)
1 యూయం ప్రేమాచరణే ప్రయతధ్వమ్ ఆత్మికాన్ దాయానపి విశేషత ఈశ్వరీయాదేశకథనసామర్థ్యం ప్రాప్తుం చేష్టధ్వం| 2 యో జనః పరభాషాం భాషతే స మానుషాన్ న సమ్భాషతే కిన్త్వీశ్వరమేవ యతః కేనాపి కిమపి న బుధ్యతే స చాత్మనా నిగూఢవాక్యాని కథయతి; 3 కిన్తు యో జన ఈశ్వరీయాదేశం కథయతి స పరేషాం నిష్ఠాయై హితోపదేశాయ సాన్త్వనాయై చ భాషతే| 4 పరభాషావాద్యాత్మన ఏవ నిష్ఠాం జనయతి కిన్త్వీశ్వరీయాదేశవాదీ సమితే ర్నిష్ఠాం జనయతి| 5 యుష్మాకం సర్వ్వేషాం పరభాషాభాషణమ్ ఇచ్ఛామ్యహం కిన్త్వీశ్వరీయాదేశకథనమ్ అధికమపీచ్ఛామి| యతః సమితే ర్నిష్ఠాయై యేన స్వవాక్యానామ్ అర్థో న క్రియతే తస్మాత్ పరభాషావాదిత ఈశ్వరీయాదేశవాదీ శ్రేయాన్| 6 హే భ్రాతరః, ఇదానీం మయా యది యుష్మత్సమీపం గమ్యతే తర్హీశ్వరీయదర్శనస్య జ్ఞానస్య వేశ్వరీయాదేశస్య వా శిక్షాయా వా వాక్యాని న భాషిత్వా పరభాషాం భాషమాణేన మయా యూయం కిముపకారిష్యధ్వే? 7 అపరం వంశీవల్లక్యాదిషు నిష్ప్రాణిషు వాద్యయన్త్రేషు వాదితేషు యది క్కణా న విశిష్యన్తే తర్హి కిం వాద్యం కిం వా గానం భవతి తత్ కేన బోద్ధుం శక్యతే? 8 అపరం రణతూర్య్యా నిస్వణో యద్యవ్యక్తో భవేత్ తర్హి యుద్ధాయ కః సజ్జిష్యతే? 9 తద్వత్ జిహ్వాభి ర్యది సుగమ్యా వాక్ యుష్మాభి ర్న గద్యేత తర్హి యద్ గద్యతే తత్ కేన భోత్స్యతే? వస్తుతో యూయం దిగాలాపిన ఇవ భవిష్యథ| 10 జగతి కతిప్రకారా ఉక్తయో విద్యన్తే? తాసామేకాపి నిరర్థికా నహి; 11 కిన్తూక్తేరర్థో యది మయా న బుధ్యతే తర్హ్యహం వక్త్రా మ్లేచ్ఛ ఇవ మంస్యే వక్తాపి మయా మ్లేచ్ఛ ఇవ మంస్యతే| 12 తస్మాద్ ఆత్మికదాయలిప్సవో యూయం సమితే ర్నిష్ఠార్థం ప్రాప్తబహువరా భవితుం యతధ్వం, 13 అతఏవ పరభాషావాదీ యద్ అర్థకరోఽపి భవేత్ తత్ ప్రార్థయతాం| 14 యద్యహం పరభాషయా ప్రర్థనాం కుర్య్యాం తర్హి మదీయ ఆత్మా ప్రార్థయతే, కిన్తు మమ బుద్ధి ర్నిష్ఫలా తిష్ఠతి| 15 ఇత్యనేన కిం కరణీయం? అహమ్ ఆత్మనా ప్రార్థయిష్యే బుద్ధ్యాపి ప్రార్థయిష్యే; అపరం ఆత్మనా గాస్యామి బుద్ధ్యాపి గాస్యామి| 16 త్వం యదాత్మనా ధన్యవాదం కరోషి తదా యద్ వదసి తద్ యది శిష్యేనేవోపస్థితేన జనేన న బుద్ధ్యతే తర్హి తవ ధన్యవాదస్యాన్తే తథాస్త్వితి తేన వక్తం కథం శక్యతే? 17 త్వం సమ్యగ్ ఈశ్వరం ధన్యం వదసీతి సత్యం తథాపి తత్ర పరస్య నిష్ఠా న భవతి| 18 యుష్మాకం సర్వ్వేభ్యోఽహం పరభాషాభాషణే సమర్థోఽస్మీతి కారణాద్ ఈశ్వరం ధన్యం వదామి; 19 తథాపి సమితౌ పరోపదేశార్థం మయా కథితాని పఞ్చ వాక్యాని వరం న చ లక్షం పరభాషీయాని వాక్యాని| 20 హే భ్రాతరః,యూయం బుద్ధ్యా బాలకాఇవ మా భూత పరన్తు దుష్టతయా శిశవఇవ భూత్వా బుద్ధ్యా సిద్ధా భవత| 21 శాస్త్ర ఇదం లిఖితమాస్తే, యథా, ఇత్యవోచత్ పరేశోఽహమ్ ఆభాషిష్య ఇమాన్ జనాన్| భాషాభిః పరకీయాభి ర్వక్త్రైశ్చ పరదేశిభిః| తథా మయా కృతేఽపీమే న గ్రహీష్యన్తి మద్వచః|| 22 అతఏవ తత్ పరభాషాభాషణం అవిశ్చాసినః ప్రతి చిహ్నరూపం భవతి న చ విశ్వాసినః ప్రతి; కిన్త్వీశ్వరీయాదేశకథనం నావిశ్వాసినః ప్రతి తద్ విశ్వాసినః ప్రత్యేవ| 23 సమితిభుక్తేషు సర్వ్వేషు ఏకస్మిన్ స్థానే మిలిత్వా పరభాషాం భాషమాణేషు యది జ్ఞానాకాఙ్క్షిణోఽవిశ్వాసినో వా తత్రాగచ్ఛేయుస్తర్హి యుష్మాన్ ఉన్మత్తాన్ కిం న వదిష్యన్తి? 24 కిన్తు సర్వ్వేష్వీశ్వరీయాదేశం ప్రకాశయత్సు యద్యవిశ్వాసీ జ్ఞానాకాఙ్క్షీ వా కశ్చిత్ తత్రాగచ్ఛతి తర్హి సర్వ్వైరేవ తస్య పాపజ్ఞానం పరీక్షా చ జాయతే, 25 తతస్తస్యాన్తఃకరణస్య గుప్తకల్పనాసు వ్యక్తీభూతాసు సోఽధోముఖః పతన్ ఈశ్వరమారాధ్య యుష్మన్మధ్య ఈశ్వరో విద్యతే ఇతి సత్యం కథామేతాం కథయిష్యతి| 26 హే భ్రాతరః, సమ్మిలితానాం యుష్మాకమ్ ఏకేన గీతమ్ అన్యేనోపదేశోఽన్యేన పరభాషాన్యేన ఐశ్వరికదర్శనమ్ అన్యేనార్థబోధకం వాక్యం లభ్యతే కిమేతత్? సర్వ్వమేవ పరనిష్ఠార్థం యుష్మాభిః క్రియతాం| 27 యది కశ్చిద్ భాషాన్తరం వివక్షతి తర్హ్యేకస్మిన్ దినే ద్విజనేన త్రిజనేన వా పరభాाషా కథ్యతాం తదధికైర్న కథ్యతాం తైరపి పర్య్యాయానుసారాత్ కథ్యతాం, ఏకేన చ తదర్థో బోధ్యతాం| 28 కిన్త్వర్థాభిధాయకః కోఽపి యది న విద్యతే తర్హి స సమితౌ వాచంయమః స్థిత్వేశ్వరాయాత్మనే చ కథాం కథయతు| 29 అపరం ద్వౌ త్రయో వేశ్వరీయాదేశవక్తారః స్వం స్వమాదేశం కథయన్తు తదన్యే చ తం విచారయన్తు| 30 కిన్తు తత్రాపరేణ కేనచిత్ జనేనేశ్వరీయాదేశే లబ్ధే ప్రథమేన కథనాత్ నివర్త్తితవ్యం| 31 సర్వ్వే యత్ శిక్షాం సాన్త్వనాఞ్చ లభన్తే తదర్థం యూయం సర్వ్వే పర్య్యాయేణేశ్వరీయాదేశం కథయితుం శక్నుథ| 32 ఈశ్వరీయాదేశవక్తృణాం మనాంసి తేషామ్ అధీనాని భవన్తి| 33 యత ఈశ్వరః కుశాసనజనకో నహి సుశాసనజనక ఏవేతి పవిత్రలోకానాం సర్వ్వసమితిషు ప్రకాశతే| 34 అపరఞ్చ యుష్మాకం వనితాః సమితిషు తూష్ణీమ్భూతాస్తిష్ఠన్తు యతః శాస్త్రలిఖితేన విధినా తాః కథాప్రచారణాత్ నివారితాస్తాభి ర్నిఘ్రాభి ర్భవితవ్యం| 35 అతస్తా యది కిమపి జిజ్ఞాసన్తే తర్హి గేహేషు పతీన్ పృచ్ఛన్తు యతః సమితిమధ్యే యోషితాం కథాకథనం నిన్దనీయం| 36 ఐశ్వరం వచః కిం యుష్మత్తో నిరగమత? కేవలం యుష్మాన్ వా తత్ కిమ్ ఉపాగతం? 37 యః కశ్చిద్ ఆత్మానమ్ ఈశ్వరీయాదేశవక్తారమ్ ఆత్మనావిష్టం వా మన్యతే స యుష్మాన్ ప్రతి మయా యద్ యత్ లిఖ్యతే తత్ప్రభునాజ్ఞాపితమ్ ఈత్యురరీ కరోతు| 38 కిన్తు యః కశ్చిత్ అజ్ఞో భవతి సోఽజ్ఞ ఏవ తిష్ఠతు| 39 అతఏవ హే భ్రాతరః, యూయమ్ ఈశ్వరీయాదేశకథనసామర్థ్యం లబ్ధుం యతధ్వం పరభాషాభాషణమపి యుష్మాభి ర్న నివార్య్యతాం| 40 సర్వ్వకర్మ్మాణి చ విధ్యనుసారతః సుపరిపాట్యా క్రియన్తాం|
In Other Versions
1 Corinthians 14 in the ANGEFD
1 Corinthians 14 in the ANTPNG2D
1 Corinthians 14 in the BNTABOOT
1 Corinthians 14 in the BOATCB
1 Corinthians 14 in the BOATCB2
1 Corinthians 14 in the BOGWICC
1 Corinthians 14 in the BOHLNT
1 Corinthians 14 in the BOHNTLTAL
1 Corinthians 14 in the BOILNTAP
1 Corinthians 14 in the BOITCV
1 Corinthians 14 in the BOKCV2
1 Corinthians 14 in the BOKHWOG
1 Corinthians 14 in the BOKSSV
1 Corinthians 14 in the BOLCB2
1 Corinthians 14 in the BONUT2
1 Corinthians 14 in the BOPLNT
1 Corinthians 14 in the BOTLNT
1 Corinthians 14 in the KBT1ETNIK
1 Corinthians 14 in the SBIBS2
1 Corinthians 14 in the SBIIS2
1 Corinthians 14 in the SBIIS3
1 Corinthians 14 in the SBIKS2
1 Corinthians 14 in the SBITS3
1 Corinthians 14 in the SBITS4
1 Corinthians 14 in the TBIAOTANT
1 Corinthians 14 in the TBT1E2