Zephaniah 1 (TOMA)

1 Wooi niiti ka Ɠɔoɠɔ GALAGI ti woni Sofoni ma, Zuda masagi Zoziase, Amon ná-doun zunui, ná-yeeɠɛɠalai zu. Sofoni ɠɛni ga Kusi ná-doun zunui, naa kɛɛɠɛ ɠɛ ga Gedalia, naa kɛɛɠɛ ɠɛ ga Amalia, naa kɛɛɠɛ ɠɛ ga Ezekiase. 2 Ɠɔoɠɔ GALAGI wooi ɠaa:«Nà ʋaazu anii kpein suwuɠaaleʋezu,niiti ti yɛnvuzu eteai zu. 3 Nà nuɓusɛi pɛ koloɠolosu ta suaiti,gè wɔniiti pɛ koloɠolo ta kaleiti pɛ,gè naa ɠoloɠolo, nii é nu ɲɔiti kɔɠɔziɠazu.Nà nu vului ma zuwu ɠaaleʋezu eteai zu,»Ɠɔoɠɔ GALAGI wooi ɠana. 4 «Nà yeewuzeɠezu Zuda nuɓusɛiti daalɔɠɔma,Zeluzalɛme nuiti kpein daalɔɠɔma,gè Ɓaale lɛbi nui mɔtaiti pɛ suwuɠaaleʋe adaʋɛ tɔna ba,ta zɔiti ti botii ɠɛɛzu bɛ,ti pɛ ʋɔɔma ta zalaɠa ɠula nuiti. 5 Nà naati pɛ koloɠolo, niiti ti lɛɛzu pɛlɛ ɠɔmaʋɛ,ti ɗa nɔkɔ ná aniiti pɛ bu, ti volozu geeɠɔlɔgi zu,ta zɔiti ti nɔkɔsu bù, ti ɗa ɠona mà, nɛ̀i gè ga Ɠɔoɠɔ GALAGI,ti lati ti ɗa minazeɠegiti bo ta-ɠalagi Mɔlɔke ʋɛ. 6 Nà naati koloɠolo, zɔiti ti ʋoluavegai bà, nɛ̀i gè ga Ɠɔoɠɔ GALAGI,ta zɔiti ti la gàiziɛzu,ti la wɔinni ti ʋa nà-kpɔba zɔlɔɔ, ɓaa ti ʋa gàazaɠa.» 7 À maaɠɛ kpɔ, Maliɠii Ɠɔoɠɔ GALAGI ɠaazu,mazɔlɔɔ Ɠɔoɠɔ GALAGI ná-foloi maaɓuɠaa!Mazɔlɔɔ Ɠɔoɠɔ GALAGI zalaɠai ɠɛʋele ɓɛtɛʋɛ,é naati gba, zɔiti é ti loligai. 8 Ɠɔoɠɔ GALAGI ɠɛ ma: «Tama, nà-zalaɠa ɠula voloi,nà laalɛ kundiɠiiti bu, ta masa dointi,ta niiti kpein ti wɛɛinti ta-maaɠilii ma zii wosu. 9 Naama volo ná, nà vɔɔɠu naati ba,zɔiti ti ɓudɛzu GALA sei ʋɛlɛi ma ɓofalagi maazu, eɠɛ zii ɠiligiti,ti ti-maliɠii ná-pɛlɛi wuulaave ga naavoloi, sɔlɔɔgai toomai zu ta yaavai.» 10 «Tama, naama volo ná,ta kpee woo wolai mɛni Kale Ziɠidaʋɛ,ta zɔngɔ wooi Koi Niinɛi zu ʋele,ta ani ɠolo lu golai gizeiti ma,»Ɠɔoɠɔ GALAGI wooi ɠana. 11 «À kpeei loo, Buu Ʋele Ɠoizu nuiti,mazɔlɔɔ yaaɠoiti pɛ ta zaazu,wali ɠaiziɛ nuiti pɛ ti zuwuɠaa ɠa leʋezu.» 12 «Naa zu, nà Zeluzalɛme zuvɛɠɛlɛfɛɠɛlɛ ga fitinai,nà vɔɔɠu zunuiti pɛ ba,ti zeini su kpɛ, eɠɛ dɔɔi buuʋɛai,ti ɗa bo yiimaʋɛ ga:‹Ɠɔoɠɔ GALAGI la faa nɔpɛ kɛa,ma ʋagɔ ɓaa ma ɲɔu!› 13 Toosui ɠa wo ga ta-naavoloiti,ta-ʋɛlɛiti ta ɠoloɠolo.Ta pɛlɛiti to, kɛlɛ ti la ɲia ti wu,ti leezɛn ɓeleiti da, kɛlɛ ti la ma lɔɔi ta ɓɔlea.» 14 Ɠɔoɠɔ GALAGI ná-folo wolai maaɓuɠaa,maaɓuɠaa, gaazuvilɛʋɛ é ɗa ʋa,kpee ɲɔi ɠa é loozu Ɠɔoɠɔ GALAGI ná-foloi,salaʋusui ziilogai ti pɛ ba, naa ɓɔɠɔi ɠa kpee wolai loo. 15 Toɠa ɠɛ ga ziiɠaawana voloi,kidaaʋili foloi ta koozuʋiligi,faa zuɠoloɠolo foloi ta faaɠaaʋalabai.Foloi naa ɠa ɠɛ ga kpidii, é ɠɛ ga kpidi ɓɔii,foloi naa ɠa ɠɛ ga tonaɓiingi ta ɓumugi. 16 Naama volo ná, salaʋusuiti ta puʋugi vɛ,ti kɔɔ ɓeei loo taa wolaiti daalɔɠɔma siɠigi ti ma,ta ti zu ʋɛlɛ ɠaaɠoozagiti daalɔɠɔma. 17 «Nà nuɓusɛiti dɔ kidaaʋiligi zu,ta ziɛ eɠɛ gaazuɠole nuiti, ti ɗa yeeʋɛɛ mɛmɛ,mazɔlɔɔ ti kotoi ɠɛa dàalɔɠɔma, nɛ̀i gè ga Ɠɔoɠɔ GALAGI.Ti-ma ɲamai ɠa ʋu adaʋɛ pɛ eɠɛ fufiligi,ti-ma ʋoomaiti ta luula eɠɛ kaʋai.» 18 Ta-waliiti ta zanugi ti ti yanaati ti la zooga ti ʋa ti ɠizoƓɔoɠɔ GALAGI ná-ziiɠaawana voloi.Ná-ziiɠaawana abui ɠa eteai pɛ koloɠolo.Gaamazu, naa maa ɠa yiki,toɠa eteai zu nuɓusɛiti pɛ suwuɠaaleʋe.

Zephaniah 1 (TOMA)

In Other Versions