Hosea 2 (YALU)
1 “Koni, Isirayila kaane fama wuyadeni ayi nɛnalo baan mɛɲɛnsinnanaxan mi ligɛ, a mi yatɛ.A yi a falama e xa mɛnna nin,a naxa, ‘N ma yamaan mi ɛ ra!’Koni e fa xili bama nɛn mɛnni,‘Habadan Alaa diine.’ ” 2 Yuda bɔnsɔnna nun Isirayila bɔnsɔnnae malanma nɛn,e kuntigi keden sugandi.E minima nɛn yamana gbɛtɛ yi,amasɔtɔ Ala yamaan na sabati lɔxɔn naxan yi,lɔxɔ gbeen nan na ra. 3 Ɛ a fala ɛ tadane ma, “Alaa Yamana”e nun ɛ magilɛne, “Alaa Rafan Muxune!” 4 Ɛ ɛ nga Isirayila maxadi,ɛ a maxadi,amasɔtɔ n ma ɲaxalan mi fa a ra,a xɛmɛ mi fa n na!A xa yalunde maxidi seene ba a yɛtagin ma,a yanga maxidi seene ba a xiɲɛ longonna ra. 5 Xanamu, n na a ragelima nɛn,n yi a lu alo a bari lɔxɔni.N yi a lu alo tonbonna,n yi a findi bɔxɔ xaren na,n yi a faxa ige xɔnla ma. 6 N mi kininkininɲɛ a diine ma,amasɔtɔ yalunde diin nan e ra. 7 E nga yalunyaan liga nɛn,a yi e sɔtɔ,a a yɛtɛ rayagi,amasɔtɔ a a fala nɛn:“N birama nɛn suxurene fɔxɔ ra,naxanye n ma donseen nun n ma min igen soma n yii,e nun n ma yɛxɛɛ xabe duginnun n ma taa dugina,e nun n ma turen nun n ma minsena.” 8 Nanara, n na a kiraan nafaxama nɛn ɲanle ran yi a rabilin yinna ra,alogo a nama fa a kiraan to. 9 A sigama nɛn a yangane fɔxɔ ra,koni a mi e liyɛ.A e fenma nɛn,koni a mi e toɛ.Na xanbi ra, a a falama nɛn:“N xɛtɛma nɛn n ma xɛmɛn fɛmaalo a fɔlɔni,amasɔtɔ n yi sɛwani mɛnnidangu iki ra.” 10 A mi a kolona n tan nan balon soma a yii,e nun minseen nun turena.N tan nan gbetin nun xɛmaan soma a yii fonisireyani,a yi e findi waliseen na Baali suxuren xa. 11 Nanara, a balon nun minse bogin na mɔ,n na ba a yii.N na n ma yɛxɛɛ xabe duginnun n ma taa dugin ba a yiinaxanye yi lane yi a ba a ragelixi. 12 Iki n na a yagin naminima nɛn kɛnɛnnia yangane yɛɛ xɔri,muxu yo mi a bɛ n yii. 13 N yi a sɛwan birin dan,a sanle, a kike nɛnɛne,a Matabu Lɔxɔne nun a binya lɔxɔne birin. 14 N na a bogise binle nun a xɔdɛ binle kalama nɛn,a yi a falan naxanye ma, a naxa,“N saren ni itoe ran yangane naxanye soxi n yii!”N ne findima fɔtɔnna ra nɛn, burunna subene yi e kala. 15 Ala naxa,“N na a fe ɲaxin saranma a ra nɛn lɔxɔne fe raa wusulanna gan Baali suxurene xa naxanye ma.A yi a maxidi a yiirasone nun a tunlasone yi,a siga a suxurene fɛma,a ɲinan n tan ma.”Alatalaa falan nan na ra. 16 Nanara, n na a mabandunma nɛn,n yi a xali tonbonni,n fala faɲin ti a xa. 17 N mɔn a bogise bili langaneraxɛtɛma a ma nɛn mɛnni.Akori mɛrɛmɛrɛn yi findi yigin na.Isirayila sigin sama nɛn mɛnnialo a dii ɲɔrɛ waxatini,alo a keli Misiran yamanani lɔxɔn naxan yi. 18 Na lɔxɔni, Alatalaa falan ni ito ra,a naxa, “I n xilima nɛn:‘N ma xɛmɛna!’I mi fa n xilima fa fala ‘N kanna, Baali.’ 19 N Baali suxurene xinle bama nɛn i dɛ,alogo e xinle nama fa fala. 20 Na lɔxɔni, n layirin tongoma nɛne nun burunna subene tagi,e nun xɔline nun bubuseene.N xanla nun silanfanna nun yɛngɛn bama nɛn bɔxɔn ma,n ma yamaan yi e sa bɔɲɛ xunbenli. 21 N findima nɛn i ya xɛmɛn na habadan,n findi i ya xɛmɛn na tinxinna nun sariya kɛndɛnnun hinanna nun kininkininni. 22 N findima nɛn i ya xɛmɛn na lannayani,i yi Alatala kolon.” 23 Alatalaa falan ni ito ra,a naxa, “Na lɔxɔni,n ni i ya maxandin yabima nɛn,koren yi tule igen nagodo bɔxɔn ma. 24 Bɔxɔn yi balon nun minse bogin nun turen namini.Ne yi Yɛsɛreli makone fan. 25 N na Isirayila rasabatima nɛn bɔxɔn ma n yɛtɛ xa.N yi naxan mafa fala ‘Kininkinintarena’n kininkininma a ma nɛn.N yi naxan ma a ‘Kantarena.’N na falama nɛn,n naxa, ‘N ma yamaan nan ɛ ra!’Ne yi n yabi,e naxa, ‘N ma Ala.’ ”