Jeremiah 23 (YALU)
1 Alatalaa falan ni ito ra, a naxa, “Gbalon na yɛɛratine xa, naxanye n ma yamaan naxuyama ayi, e e ralɔ ayi!” 2 Nanara, Alatala, Isirayilaa Ala ito nan falaxi lan yɛɛratine ma naxanye a yamaan masuxuma, a naxa, “Ɛ bata n ma yamaan naxuya ayi, ɛ yi e kedi, ɛ mi ɛ yengi dɔxi e xɔn. Nayi, n na ɛ kɛwali ɲaxine saranma ɛ ra nɛn.” Alatalaa falan nan na ra. 3 “N na n ma yamaan muxu dɔnxɛne malanma nɛn keli yamanane yi, n na e raxuyaxi ayi dɛnaxanye yi, n mɔn yi fa e ra e yireni. E yi sabati mɛnni, e wuya ayi. 4 N yi yɛɛratine lu e xun na naxanye e masuxuma ki faɲi, naxanye mi fa gaxuɛ, e mi yilanyilanɲɛ. N ma yamaan muxu yo mi dasɛ e ra.” Alatalaa falan nan na ra. 5 Alatalaa falan ni ito ra,a naxa, “Lɔxɔne fama,n manga tinxinxin naminima Dawuda bɔnsɔnni waxatin naxan yialo wudi ɲingin na mini wudin ma,a mangayaan naba xaxilimayani,a yi kiti kɛndɛn sa,a tinxinyaan liga yamanani. 6 Yuda bɔnsɔnna rakisima nɛn a waxatini,Isirayila kaane yi lu bɔɲɛ xunbenli.E a xili bama nɛn fa fala,‘En ma tinxinna, Alatala.’ ” 7 Nanara, Alatalaa falan ni ito ra, a naxa, “Lɔxɔne fama, muxe mi a falɛ lɔxɔn naxanye yi, fa fala, ‘N bata n kɔlɔ habadan Alatala yi, naxan Isirayila kaane ramini Misiran yi!’ 8 Koni a a falama nɛn, a naxa, ‘N bata n kɔlɔ habadan Alatala yi, naxan Isirayila kaane ramini kɔmɛn fɔxɔn yamanani, e nun a e kedi yamanan naxanye birin yi!’ Na waxatini, e mɔn dɔxɔma nɛn e bɔxɔni.” 9 Falana lan nabine ma:N bɔɲɛn bata kala n kui,n fatin birin xuruxurunma.N bata lualo n xunna kelixi manpaan nan na,masɔtɔ Alatala nun a fala sariɲanxina fe ma. 10 Bayo, yamanan bata rafe yalundene ra.Yamanan bata yi xara dangan xɔn.Xuruse rabadene birin bata kala.Muxune mafura fe ɲaxin nabɛ,e sɔbɛ soxi tinxintareyaan nan tun ma. 11 “Nabine nun saraxaraline birin,e sese mi fa sariɲan!N fa e kɛwali ɲaxine tomahali n ma banxini.”Alatalaa falan nan na ra. 12 “Nanara, e kiraan masalaxunma nɛn,a yidimi, e yi radin, e bira.Bayo n gbalon nafama nɛn e ma,n na e kɛwanle saran e ra ɲɛɛ naxan na.”Alatalaa falan nan na ra. 13 N bata fe magaxuxine to Samari taan nabine yɛ,e nabiya falane ti Baali suxuren sɛnbɛn xɔn ma,e yi n ma yamana Isirayila ralɔ ayi. 14 Koni Yerusalɛn nabine yɛ,n fe ɲaxine nan toxi.E yalun,wulen yi findi e siga seen na.E fe ɲaxi rabane rawɛkilɛma,alogo muxu yo nama xɛtɛ fe ɲaxin fɔxɔ ra.E birin luxi n yɛɛ ra yialo Sodoma kaane,Yerusalɛn kaane luxialo Gomora kaane. 15 Nanara, Alatala Sɛnbɛn Birin Kanna ito nan falaxi lan nabini itoe ma, a naxa,“N dabarin nun ige xɔlɛn fima yamani ito ma nɛn e balon na,bayo sariɲantareyaan soxi yamanan yiren birin yiYerusalɛn nabine nan xɔn.” 16 Alatala Sɛnbɛn Birin Kanna ito nan falaxi, a naxa,“Ɛ nama ɛ tuli mati nabine falane ranaxanye nabiya falane tima ɛ xa.E ɛ mayendenma nɛn,e ɛ xibaru fata e yɛtɛ miriyane ra,koni Alatala dɛ xuiin mi na ra. 17 N mi rafan naxanye ma,e a falama ne xa, fa fala,Alatala naxa,‘Ɛ bɔɲɛ xunbenla sɔtɔma nɛn.’Naxanye biraxi e bɔɲɛ yi feene fɔxɔ ra tengbesenyani,e a falama ne xa, e naxa,‘Fefe ɲaxi mi ɛ sɔtɛ.’ 18 Koni nde yi tixi Alatala yɛtagialogo a xa fe toon ti,a yi a falan mɛ?Nde bata a tuli mati,a yi a falan namɛ?” 19 Alatala gbalon soma nɛn muxu ɲaxine xun naalo foye kala tiina.A xɔlɔn ɲaxankatan yi fa e maalo wuluwunla. 20 Alatalaa xɔlɔn mi xɛtɛma e fɔxɔ rafɔ feene kamaliAla naxanye birin nagidixi a bɔɲɛni.Ɛ xaxili sɔtɔma nɛn na feene xɔn waxati famatɔne yi. 21 Ala naxa,“N tan mi nabini itoe xɛxi,koni e gixin sigama xɛrayaan na.N mi fala tixi e xa,koni e nabiya falane tima. 22 Xa e yi tixi n yɛtagi nun,e yi n ma falan nalima nɛn n ma yamaan ma nune yamaan ba e kira ɲaxine xɔn,e yi e raxɛtɛ e kɛwali ɲaxine fɔxɔ ra.” 23 Alatalaa falan ni ito ra,a naxa, “Ala xa mi n na ba,naxan maso ɛ ra?Ala nan mɔn n na yire makuyene fan yi.” 24 Alatalaa falan ni ito ra, a naxa,“Muxun nɔɛ a luxunɲɛ wundo yireni ba,alogo n nama a to?N mi bɔxɔ xɔnna nun kore xɔnna rafexi ba?”Alatalaa falan nan na ra. 25 “N bata nabine fala xuiin mɛ naxanye nabiya falane tima n xinli wulen fari, e naxa, ‘N bata xiye sa, n bata xiyena nde to.’ 26 Nabine bɔɲɛne luma e tiyɛ wule falan na nabiyani han waxatin mundun, e yi mayenden falane ti fata e yɛtɛ bɔɲɛ yi feene ra? 27 E yengi a ma a e n xinla raɲinanɲɛ nɛn yamaan na e xiyene xɔn e naxanye falama e bode xa, alo e benbane ɲinanxi n xinla ra kii naxan yi Baali suxurene fe ra. 28 Xa nabiin naxan xiye saxi, na xa a xiyen yɛba. Xa n ma falan naxan yi, na kanna xa a rali a ɲɔndin kiini.”Alatalaa falan ni ito ra. A naxa, “Malo kɛsɛn nun malo dagin lanɲɛ e bode ma di?” 29 Alatalaa falan ni ito ra, a naxa, “N ma falan mi luxi ba alo tɛɛna, alo sinben naxan fanyen bɔma? 30 Nanara, n bata keli nabini itoe xili ma naxanye falane muɲama e bode ma, e mɔn naxa a ne fataxi n tan nan na.” Alatalaa falan nan na ra. 31 Alatalaa falan ni ito ra, a naxa, “N bata keli nabine xili ma naxanye e yɛtɛ dɛ xuiin findima n ma falan na.” 32 Alatalaa falan ni ito ra, a naxa, “N bata keli nabine xili ma naxanye wule xiyene yɛbama, naxanye falane tima e xunna ayi, e yi n ma yamaan nalɔ ayi e wulene xɔn. Anu, n tan mi e rasigaxi, n mi e yamarixi, e tɔnɔ yo mi yamani ito ma,” Alatalaa falan nan na ra. 33 Alatala naxa, “Xa yamani ito hanma nabina nde hanma saraxaralina nde i maxɔdin, a naxa, ‘Waliyiya falan mundun tixi nxu xili ma keli Alatala ma?’ I xa e yabi, i naxa, ‘Waliyiya falan mundun? Alatalaa falan ni ito ra, a naxa, “N na n mɛma nɛn ɛ ra.” ’ 34 Xa nabina nde hanma saraxaralina nde hanma muxu gbɛtɛ a fala, a naxa, ‘Waliyiya falan ni ito ra keli Alatala ma,’ n na kanna kɛwanla saranma nɛn a ra e nun a denbayana. 35 Ɛ a falama ɛ bode xa, ɛ naxa, ‘Alatala yabin mundun tixi?’ hanma ‘Alatala nanse falaxi?’ 36 Koni ɛ nama fa waliyiya falana fe fala Alatala xun ma sɔnɔn, bayo birin waliyiya falan findixi e gbee falan nan na. Ɛ habadan Alaa falane maxɛtɛma na kii nin, Alatala Sɛnbɛn Birin Kanna, en ma Ala, 37 ɛ lu a falɛ nabina nde xa, ɛ naxa, ‘Alatala i yabixi nanse ra?’ hanma ‘Alatala nanse falaxi?’ 38 Xa ɛ mɔn a fala, ɛ naxa, ‘Waliyiya falan ni ito ra keli Alatala ma.’ Nayi, Alatala ito nan falaxi, a naxa, ‘Amasɔtɔ ɛ a falama, ɛ naxa, “Waliyiya falan ni ito ra keli Alatala ma,” hali n to a falaxi a ɛ nama na fala, 39 nayi, n ɲinanma nɛn ɛ xɔn fefe, n yi ɛ kedi n yɛtagi, ɛ tan nun ɛ taana n dɛnaxan so ɛ nun ɛ benbane yii. 40 N yi habadan yagin sa ɛ fari, habadan marafɛyaan naxan mi ɲinanɲɛ muxune ra mumɛ!’ ”