Hebrews 10 (JSNT)
1 ଇନିଆସନ୍ଗାମେଣ୍ଡେନ୍ ମୋସାନ୍ ଆ ବନାଁୟ୍ବର୍, ବିଅଜି ଆଜିର୍ତାଞନ୍ ଆ ମନଙ୍ବର୍ଜି ଆ ଉମ୍ମୁଲ୍ ଅନ୍ତମ୍, କେନ୍ଆତେ ଅଡ଼୍କୋନ୍ ଆ ବର୍ନେ ଆଜାଡ଼ିନ୍ ତଡ୍ । ତିଆସନ୍ ବବର୍ସେଙନ୍ କି ବବର୍ସେଙନ୍ ଆବୟନ୍ ଅନମଙନ୍ ସନୋରୋପ୍ପାୟନ୍ ଡେଏନ୍ । ବନ୍ଡ ବନାଁୟ୍ବରନ୍ ଅନ୍ତମ୍ ଅନମଙନ୍ ତନିୟନ୍ ଆସନ୍ ଆରିୟ୍ତାଞଞ୍ଜି ଆ ମନ୍ରାଜି ତିଆତେ ବାତ୍ତେ ଆନିଞ୍ଜି ଅଃମ୍ମଡ଼ିରେଜି । 2 କେନ୍ଆତେ ବୟନ୍ ସେନ୍ପୁର୍ମରଞ୍ଜି ଇର୍ସେନ୍ ସିଲଡ୍ ମଡ଼ିର୍ ଡେଏଞ୍ଜି ନଙ୍, ଏତ୍ତେଲ୍ଡେନ୍ ଆନିଞ୍ଜିଡମ୍ ଇର୍ସେମର୍ ଅଃଗାମ୍ଡମ୍ନେଜି ବନ୍, ଆରି ଅଡ଼୍କୋ ଅନମଙଞ୍ଜି ଅଃସନେ ବନ୍ । 3 ବନ୍ଡ ମନ୍ରାଞ୍ଜି ଆ ଇର୍ସେ ଆନିଞ୍ଜିଆଡଙ୍ ଅନେତ୍ତାୟନ୍ ଆସନ୍ ବବର୍ସେଙନ୍ କି ବବର୍ସେଙନ୍ ଅନମଙନ୍ ସନୋରୋପ୍ପାୟନ୍ ଡେତେ । 4 ଇନିଆସନ୍ଗାମେଣ୍ଡେନ୍ ତାଙ୍ଲିୟନ୍ ଡ କିମ୍ମେଡନ୍ ଆ ମିଞାମ୍ ବାତ୍ତେ ଇର୍ସେନ୍ ଅଃସଙାଜେ । 5 ତିଆସନ୍, କ୍ରିସ୍ଟନ୍ ପୁର୍ତିନ୍ ଅଣ୍ଡ୍ରଙ୍ ଜିରାଞନ୍ ଆମ୍ମୁଙ୍, ଇସ୍ୱରନ୍ଆଡଙ୍ ବରେନ୍;“ଅନମଙନ୍ ଡ କନୁବନ୍ ଆମନ୍ ଅଃସାୟ୍ଲମ୍,ବନ୍ଡ ଞେନ୍ ଆସନ୍ ଆମନ୍ ଅବୟ୍ ଡଅଙନ୍ ଗବ୍ଡେଲେନ୍ । 6 ଇର୍ସେନ୍ ସନବ୍ଙାଜନ୍ ଆସନ୍ ଆମନ୍ ବନାଲ୍ବାଲ୍ ଅନମଙ୍ଲୋଙନ୍ଅଡ଼େ ଜନ୍ତୁନ୍ ଆନମଙ୍ଲୋଙ୍ ଅଃସର୍ଡାଲମ୍ । 7 ତିଆସନ୍ ଞେନ୍ ବର୍ରନାୟ୍, ‘ଞେନ୍ ତେନ୍ନେ ଡକୋ,ଞେନ୍ ଆସନ୍ ବନାଁୟ୍ବର୍ଲୋଙନ୍ ଏଙ୍ଗାଲେ ଆଇଡିଡ୍ ଡକୋ,ଇସ୍ସୁମ୍ନମ୍ ଅନ୍ତମ୍ ଲନୁମନ୍ ଆସନ୍ ଞେନ୍ ଅବ୍ଜାଡାଲନାୟ୍ ।’” 8 ଆନିନ୍ ଆମ୍ମୁଙ୍ ବର୍ରନେ, “ମନ୍ରାନ୍ ଆ ଇର୍ସେ ସନବ୍ଙାଜନ୍ ଆସନ୍ ଅନମଙନ୍ ଡ କନୁବନ୍ ଅଡ଼େ ବନାଲ୍ବାଲ୍ ଅନମଙନ୍ ଡ ଜନ୍ତୁନ୍ ଅନମଙନ୍ ଆମନ୍ ଅଃସାୟ୍ଲୋ, ତି ଅଡ଼୍କୋନ୍ ଅନମଙଞ୍ଜି ଆମନ୍ଆଡଙ୍ ଅଃନ୍ନବ୍ସର୍ଡାଅମ୍ ।” ବନାଁୟ୍ବରନ୍ ଅନ୍ତମ୍ ଅଡ଼୍କୋନ୍ ଲନୁମନ୍ ଡେଏନ୍ ଜନଙ୍ଡେନ୍ ଆନିନ୍ ଏତ୍ତେଲେ ବର୍ରନେ । 9 ସିଲଡ୍ଲ୍ଲନ୍ ଆନିନ୍ ଆରି ବର୍ରନେ, “ଗିଜା, ଇସ୍ସୁମ୍ନମ୍ ଅନ୍ତମ୍ ଲନୁମନ୍ ଆସନ୍ ଞେନ୍ ଇୟ୍ଲାୟ୍ ।” ଅନବ୍ବାଗୁ ତନମ୍ମିଜନ୍ ଆସନ୍ ଆନିନ୍ ପର୍ତମ୍ମୁଆତେ ସବ୍ଙାଜେନ୍ । 10 ଇସ୍ୱରନ୍ କେନ୍ ଅଡ଼୍କୋନ୍ ଆନମଙ୍ଜି ଅମ୍ରେଙ୍ଡାଲେ ତି ଆ ପାଲ୍ତେଙ୍ କ୍ରିସ୍ଟନ୍ ଆନମଙ୍ ଜାଏନ୍, ଜିସୁ କ୍ରିସ୍ଟନ୍ ଆବତରନ୍ ଆରି ଅଡ଼୍କୋ ଡିନ୍ନାନ୍ ଆସନ୍ ଇସ୍ୱରନ୍ ଆ ଇସ୍ସୁମ୍ ବାତ୍ତେ ଆ ଡଅଙନ୍ ସୋରୋପ୍ପାୟ୍ଡମ୍ଲନ୍, ତିଆସନ୍ ଅଡ଼୍କୋନ୍ଲେନ୍ ଇର୍ସେନ୍ ସିଲଡ୍ ମଡ଼ିର୍ ଡେଡେଲଙ୍ଲନ୍ । 11 ଜିଉଦିଞ୍ଜି ଆ ରାଓଡ଼ା ଡିତାନ୍ ଆ କାବ୍ବାଡ଼ାନ୍ ଲନୁମନ୍ ଆସନ୍ ନମିନ୍ ନମିନ୍ ଆବୟନ୍ ଆନମଙ୍ ସୋରୋପ୍ପାୟେଞ୍ଜି, ବନ୍ଡ କେନ୍ ଅଡ଼୍କୋନ୍ ଆନମଙ୍ ବାତ୍ତେ ଇର୍ସେନ୍ ସବ୍ଙାୟ୍ଲେ ଅଃର୍ରପ୍ତିଲୋ । 12 ବନ୍ଡ କ୍ରିସ୍ଟନ୍ ଇର୍ସେନ୍ ସନବ୍ଙାଜନ୍ ଆସନ୍ ଆବୟନ୍ ଅନମଙନ୍ ତିୟେନ୍, ଆରି ଇସ୍ୱରନ୍ ଆ ଆର୍ଜଡ଼ୋମ୍ସିଗଡ୍ ଆଏଡ଼ର୍ ଆସନ୍ ଆତଙ୍କୁମ୍ ଡକୋତନ୍ । 13 ଇସ୍ୱରନ୍ ଆ ବନେରାମରଞ୍ଜିଆଡଙ୍ ତାଲ୍ଜଙନ୍ ଆଡ୍ରକ୍କୋ ଅଣ୍ଡ୍ରଙ୍ ଅମ୍ମେଏନ୍ ଜାୟ୍, ଆନିନ୍ ତେତ୍ତେ ଜଗେଲେ ଡକୋଲନ୍ । 14 ଆନାଜି ଆ ଇର୍ସେ କେମାନ୍ ଞାଙ୍ଲେ ମଡ଼ିରେଞ୍ଜି, ତି ଆବୟନ୍ ଆନମଙ୍ ବାତ୍ତେ ଆନିଞ୍ଜିଆଡଙ୍ ଆଏଡ଼ର୍ ଆସନ୍ ଆନିନ୍ ସବ୍ତଙେନ୍ । 15 ମଡ଼ିର୍ ପୁରାଡ଼ାନ୍ ନିୟ୍ ସାକିନ୍ ତିୟ୍ତେ, 16 “ପ୍ରବୁନ୍ ବର୍ତନେ, ତିକ୍କି ଆଓୟୋଙ୍ଞେନ୍ ଆନିଞ୍ଜି ସରିନ୍ ଅବୟ୍ ଅନଗଡନ୍ ଗବ୍ରିତାୟ୍;ଞେନ୍ ମୋସାନ୍ ଆ ବନାଁୟ୍ବର୍ ଆ ଉଗର୍ଲୋଙଞ୍ଜି ତିୟ୍ତାଜି,ଆରି ଆ ମନ୍ନଲୋଙଞ୍ଜି ଇଡ୍ତାୟ୍ ।” 17 ଆ ଇର୍ସେଞ୍ଜି ଡ ଆ ଡୋସାଞ୍ଜି ଞେନ୍ ଆରି ଅଃମ୍ମନ୍ନେଆୟ୍ । 18 ତିଆସନ୍ ଆନିଞ୍ଜି କେମାନ୍ ଞାଙେଞ୍ଜି ଡେନ୍, ଏତ୍ତେଲ୍ଡେନ୍ ଇର୍ସେନ୍ ଆସନ୍ ଆରି ଅନମଙନ୍ ତନିୟନ୍ ସନାୟ୍ସାୟ୍ ତଡ୍ । 19 ତିଆସନ୍ ଏ. ବୋଞାଙ୍ ତନାନ୍ଜି, ଜିସୁନ୍ ଆର୍ରବୁଏନ୍ ଆସନ୍ ଇନ୍ଲେଞ୍ଜି ଅଡ଼୍କୋନ୍ ସିଲଡ୍ ମଡ଼ିର୍ସିଙନ୍ ଗନ୍ନେନ୍ ଆସନ୍ ରୟଙନ୍ ଞାଙ୍ଲବୋ । 20 ଆନିନ୍ ଡରଙ୍ନେକାବନ୍, ଆ ଡଅଙନ୍ ବାତ୍ତେ ଇନ୍ଲେଞ୍ଜି ଆସନ୍ ଅବୟ୍ ରଙ୍ ଆମେଙ୍ ତଙରନ୍ ଅବ୍ତୁୟ୍ଲଙ୍ଲନ୍ । 21 ଇସ୍ୱରନ୍ ଆସିଂ ନମି ମୁଡ଼ ରାଓଡ଼ାଲେନ୍ ଆସିଲୋଙ୍ ଡକୋ । 22 ତିଆସନ୍, ଜିରାୟ୍ବା ମଡ଼ିର୍ ଉଗରନ୍ ଡ ଡର୍ନେନ୍ ବାତ୍ତେ ଇସ୍ୱରନ୍ ଆମଙ୍ ଏଇୟ୍ବା, ଇନିଆସନ୍ଗାମେଣ୍ଡେନ୍ ଇନ୍ଲେଞ୍ଜି ନମି ଏର୍ମଡ଼ି ବିବେକଲେନ୍ ମଡ଼ିର୍ ଡେଲାୟ୍, ଆରି ଡଅଙ୍ଲେନ୍ ମଡ଼ି ଡାଆନ୍ ବାତ୍ତେ ଗିୟ୍ଡାଲନ୍ବୋ । 23 ଅଙ୍ଗା ଆରାସାନେ ଡକୋ ଗାମ୍ଲେ ଇନ୍ଲେନ୍ ଡର୍ତନ୍ବୋ, ତେତ୍ତେ ଇନ୍ଲେନ୍ ରବ୍ଡୋଲନ୍ ଏଡକୋନେବା, ଇନିଆସନ୍ଗାମେଣ୍ଡେନ୍ ଇନ୍ଲେନ୍ ଇସ୍ୱରନ୍ ଆ ସନିବ୍ଡେୟ୍ବର୍ଲୋଙ୍ ଆସାଲନ୍ ଡକୋତନ୍ବୋ । 24 ଇନ୍ଲେଞ୍ଜି ଆନ୍ନାମରଞ୍ଜି ଆସନ୍ ଏଇଃୟମ୍ବା ଆରି ଆ ମନନଙଞ୍ଜି ଆସନ୍ ଡନୁଙ୍ୟମନ୍ ବାତ୍ତେ ମନଙ୍ କାବ୍ବାଡ଼ାନ୍ ଏଲୁମ୍ବା । 25 ଆରି ଏଙ୍ଗାଲେ ମନ୍ରାଞ୍ଜି ଗିର୍ଜାନେନ୍ ଅମ୍ରେଙେଞ୍ଜି, ଇନ୍ଲେନ୍ ଏତ୍ତେଲେ ଅଃନ୍ନମ୍ରେଙ୍ବୋ । ପ୍ରବୁନ୍ ଆ ଡିନ୍ନା ତୁୟାୟ୍ଲେ ପାଙ୍ଲାୟ୍ ଗାମ୍ଲେ ଜନାଡାଲେ ତର୍ଡମ୍ ଏଲ୍ଞଙ୍ଞଙ୍ବା । 26 ଇନ୍ଲେନ୍ ଆଜାଡ଼ିବରନ୍ ଜନାଡାଲେ ଇନ୍ଲେନ୍ ଇର୍ସେଲୋଙନ୍ ମଗାଡ୍ଲଙ୍ଲନ୍ ଡେନ୍, ଆରି ଅନ୍ନିଙ୍ ଆନମଙ୍ ଇନ୍ଲେନ୍ଆଡଙ୍ ଇର୍ସେନ୍ ସିଲଡ୍ ଉର୍ରେ ଅଃର୍ରପ୍ତିଲଙ୍ନେ । 27 ଆର୍ପାୟ୍, ଆଜିର୍ତାଞନ୍ ସୋଡ଼ା ପନ୍ସୁଆତି ଡ ଇସ୍ୱରନ୍ଆଡଙ୍ ଆସ୍ରଙ୍ଗତ୍ତାତେଞ୍ଜି ଆ ମନ୍ରାଜିଆଡଙ୍ ଜନୋମ୍ତୋଡନ୍ ବରନ୍ତଙନ୍ ଆ ତଗୋ ତୁମ୍ ଜଗେତବୋ । 28 ଆନ୍ନିଙ୍ ମୋସାନ୍ ଆ ବନାଁୟ୍ବରନ୍ ଅଃମ୍ମାନ୍ନେଲୋ ଡେନ୍ ବାଗୁ ଇଜ୍ଜାନ୍ଡେନ୍ ୟାଗି ସାକିମରଞ୍ଜି ଆତେମଡ୍ଲୋଙ୍ ଆନିନ୍ ଡୋସାତେ, ସିଲଡ୍ଲ୍ଲନ୍ ଆନିନ୍ଆଡଙ୍ କାନକାରମ୍ ଏର୍ଗନାମନ୍ ଆନିନ୍ଆଡଙ୍ ରନବ୍ବୁନ୍ ଡେତେ । 29 ଏତ୍ତେଲ୍ଡେନ୍ ଆନା ଇସ୍ୱରନ୍ ଆ ଡାଙ୍ଗଡ଼ାଅନ୍ଆଡଙ୍ ଅଃମ୍ମାନ୍ନେଏ, ଇସ୍ୱରନ୍ ରଙ୍ ଅନଗଡନ୍ ଆ ମିଞାମ୍ ବାତ୍ତେ ଇର୍ସେନ୍ ସନମ୍ଙାଜନ୍ ଆସନ୍ ରୟଙନ୍ ଞାଙ୍ଲେ, ତିଆତେ ଆନିନ୍ ଅବ୍ସନ୍ନାଏନ୍ ଡେନ୍, ଆରି ସନାୟୁମ୍ମର୍ ମଡ଼ିର୍ ପୁରାଡ଼ାନ୍ଆଡଙ୍ ଗବ୍ରଜେନ୍ ଡେନ୍, ଏତ୍ତେଲ୍ଡେନ୍ ଆନିନ୍ ଡିଅଙ୍ଗା ପନବ୍ରଡନ୍ ଅରଃ ଞାଙେନ୍ ? 30 “ଞେନ୍ ଡୁଲ୍ତନାୟ୍, ଞେନ୍ ପନବ୍ରଡନ୍ ତିୟ୍ତାୟ୍ ।” ଆନା କେନ୍ ଆ ବର୍ନେ ବର୍ରନେ, ଆନିନ୍ଆଡଙ୍ ଇନ୍ଲେନ୍ ଜନା, ଆନିନ୍ ଆରି ବର୍ରନେ, “ପ୍ରବୁନ୍ ଆ ମନ୍ରାଞ୍ଜିଆଡଙ୍ ଅବ୍ପନ୍ସୁଆତିତଜି ।” 31 ଆମେଙ୍ ଇସ୍ୱରନ୍ ଆସିଲୋଙ୍ ଆ ଗନଲୋ ବରନ୍ତଙ୍ଡମ୍ । 32 ଆମ୍ୱେନ୍ ଆମ୍ମୁଙ୍ ଆ ବର୍ନେଜି ଇୟମ୍ବା, ଇସ୍ୱରନ୍ ଆ ସନାଆର୍ ଏଞ୍ରାଙେନ୍ ସିଲଡ୍ ଆମ୍ୱେଞ୍ଜି ପରାନ୍ଡଣ୍ଡନ୍ ଡେଲବେନ୍, ବନ୍ଡ ଅଃନ୍ନାରେଲବେନ୍ । 33 ଆମ୍ୱେଞ୍ଜି ଅଡ଼୍କୋ ମନ୍ରାଞ୍ଜି ଆଗନିୟ୍ଗିୟ୍ଲୋଙ୍ ଗନବ୍ରଜନ୍ ଡ ଡନଣ୍ଡାୟନ୍ ଏଞାଙେନ୍, ଆରି ଏତ୍ତେଗନ୍ ଗନବ୍ରଜନ୍ ଡ ଡନଣ୍ଡାୟନ୍ ଆଞ୍ରାଙେଞ୍ଜି ଆ ମନ୍ରାଜି ସରିନ୍ ମାୟ୍ଲନ୍ ଏଡକୋଲନ୍ । 34 ଇନିଆସନ୍ଗାମେଣ୍ଡେନ୍ ଆମ୍ୱେଞ୍ଜି ଆବଣ୍ଡିମରଞ୍ଜି ବାତ୍ତେ ଡୁକ୍କନ୍ ଏଞାଙେନ୍, ଆରି ଆମ୍ୱେଞ୍ଜି ଆସନ୍ ମନଙ୍ଡମନ୍ ଡ ଅଃନ୍ନଞିଡେନ୍ ଆ ରନ୍ନା ଡକୋ, ଗାମ୍ଲେ ଜନାଡାଲେ ରନ୍ନାବେଞ୍ଜି ରାଉଡାଲନ୍ ଆପ୍ରାଙେଞ୍ଜି ନିୟ୍ ଆମ୍ୱେଞ୍ଜି ସଏଲେ ଏଡକୋଲନ୍ । 35 ତିଆସନ୍ ଅବ୍ନୁୟୁବ୍ନା, ଇନିଆସନ୍ଗାମେଣ୍ଡେନ୍ ଅନୁୟୁବ୍ଲୋଙନ୍ ସିଲଡ୍ ବର୍ତନ୍ନାନ୍ ଡକୋ । 36 ଇସ୍ୱରନ୍ ଆ ଇସ୍ସୁମ୍ ବାତ୍ତେ ଲନୁମ୍ଡାଲନ୍ ସନିବ୍ଡେୟ୍ବରନ୍ ଆ ଜଅ ଞାଙ୍ଲେ ଏରପ୍ତିତେ, ତିଆସନ୍ ଆମ୍ୱେଞ୍ଜି ରବ୍ଡୋଲନ୍ ଡକୋନାବା । 37 ଡରମ୍ମ ସାସ୍ତ୍ରଲୋଙନ୍ ଆଇଡିଡ୍ ଡକୋ;“ଆରି ଅସୋୟ୍ ଡିନ୍ନା ଡକୋ,ଆରି ଆନା ଜିର୍ତାୟ୍ ଆନିନ୍ ଜିର୍ରୟ୍ତାୟ୍,ଆନିନ୍ ଆରି ଅଃନ୍ନବ୍ଡିଙ୍ନାୟ୍ । 38 ଡରମ୍ମମରନ୍ ଡର୍ନେନ୍ ବାତ୍ତେ ଅମେଙ୍ତେ;ବନ୍ଡ ଆନା ଆୟର୍ଗୁଡ଼ିଃତନେ,ଆମଙନ୍ ଞେନ୍ ଅଃସର୍ଡାଇଁୟ୍ ।” 39 ଆନାଜି ଅନସେଡନ୍ ଆସନ୍ ଆୟର୍ଗୁଡ଼ିଃତଞ୍ଜି, ଇନ୍ଲେଞ୍ଜି ଆ ଡଡ଼ଞ୍ଜି ଆ ମନ୍ରା ତଡ୍, ବନ୍ଡ ଆନାଜି ପୁରାଡ଼ାନ୍ ଅନୁରନ୍ ଆସନ୍ ଡର୍ତଞ୍ଜି, ଇନ୍ଲେନ୍ ଆ ଡଡ଼ଞ୍ଜି ଆ ମନ୍ରା ।