Romans 6 (SBISS)
1 ප්‍රභූතරූපේණ යද් අනුග්‍රහඃ ප්‍රකාශතේ තදර්ථං පාපේ තිෂ්ඨාම ඉති වාක්‍යං කිං වයං වදිෂ්‍යාමඃ? තන්න භවතු| 2 පාපං ප්‍රති මෘතා වයං පුනස්තස්මින් කථම් ජීවිෂ්‍යාමඃ? 3 වයං යාවන්තෝ ලෝකා යීශුඛ්‍රීෂ්ටේ මජ්ජිතා අභවාම තාවන්ත ඒව තස්‍ය මරණේ මජ්ජිතා ඉති කිං යූයං න ජානීථ? 4 තතෝ යථා පිතුඃ පරාක්‍රමේණ ශ්මශානාත් ඛ්‍රීෂ්ට උත්ථාපිතස්තථා වයමපි යත් නූතනජීවින ඉවාචරාමස්තදර්ථං මජ්ජනේන තේන සාර්ද්ධං මෘත්‍යුරූපේ ශ්මශානේ සංස්ථාපිතාඃ| 5 අපරං වයං යදි තේන සංයුක්තාඃ සන්තඃ ස ඉව මරණභාගිනෝ ජාතාස්තර්හි ස ඉවෝත්ථානභාගිනෝ(අ)පි භවිෂ්‍යාමඃ| 6 වයං යත් පාපස්‍ය දාසාඃ පුන ර්න භවාමස්තදර්ථම් අස්මාකං පාපරූපශරීරස්‍ය විනාශාර්ථම් අස්මාකං පුරාතනපුරුෂස්තේන සාකං ක්‍රුශේ(අ)හන්‍යතේති වයං ජානීමඃ| 7 යෝ හතඃ ස පාපාත් මුක්ත ඒව| 8 අතඒව යදි වයං ඛ්‍රීෂ්ටේන සාර්ද්ධම් අහන්‍යාමහි තර්හි පුනරපි තේන සහිතා ජීවිෂ්‍යාම ඉත්‍යත්‍රාස්මාකං විශ්වාසෝ විද්‍යතේ| 9 යතඃ ශ්මශානාද් උත්ථාපිතඃ ඛ්‍රීෂ්ටෝ පුන ර්න ම්‍රියත ඉති වයං ජානීමඃ| තස්මින් කෝප්‍යධිකාරෝ මෘත්‍යෝ ර්නාස්ති| 10 අපරඤ්ච ස යද් අම්‍රියත තේනෛකදා පාපම් උද්දිශ්‍යාම්‍රියත, යච්ච ජීවති තේනේශ්වරම් උද්දිශ්‍ය ජීවති; 11 තද්වද් යූයමපි ස්වාන් පාපම් උද්දිශ්‍ය මෘතාන් අස්මාකං ප්‍රභුණා යීශුඛ්‍රීෂ්ටේනේශ්වරම් උද්දිශ්‍ය ජීවන්තෝ ජානීත| 12 අපරඤ්ච කුත්සිතාභිලාෂාाන් පූරයිතුං යුෂ්මාකං මර්ත්‍යදේහේෂු පාපම් ආධිපත්‍යං න කරෝතු| 13 අපරං ස්වං ස්වම් අඞ්ගම් අධර්ම්මස්‍යාස්ත්‍රං කෘත්වා පාපසේවායාං න සමර්පයත, කින්තු ශ්මශානාද් උත්ථිතානිව ස්වාන් ඊශ්වරේ සමර්පයත ස්වාන්‍යඞ්ගානි ච ධර්ම්මාස්ත්‍රස්වරූපාණීශ්වරම් උද්දිශ්‍ය සමර්පයත| 14 යුෂ්මාකම් උපරි පාපස්‍යාධිපත්‍යං පුන ර්න භවිෂ්‍යති, යස්මාද් යූයං ව්‍යවස්ථායා අනායත්තා අනුග්‍රහස්‍ය චායත්තා අභවත| 15 කින්තු වයං ව්‍යවස්ථායා අනායත්තා අනුග්‍රහස්‍ය චායත්තා අභවාම, ඉති කාරණාත් කිං පාපං කරිෂ්‍යාමඃ? තන්න භවතු| 16 යතෝ මෘතිජනකං පාපං පුණ්‍යජනකං නිදේශාචරණඤ්චෛතයෝර්ද්වයෝ ර‍්‍යස්මින් ආඥාපාලනාර්ථං භෘත්‍යානිව ස්වාන් සමර්පයථ, තස්‍යෛව භෘත්‍යා භවථ, ඒතත් කිං යූයං න ජානීථ? 17 අපරඤ්ච පූර්ව්වං යූයං පාපස්‍ය භෘත්‍යා ආස්තේති සත්‍යං කින්තු යස්‍යාං ශික්‍ෂාරූපායාං මූෂායාං නික්‍ෂිප්තා අභවත තස්‍යා ආකෘතිං මනෝභි ර්ලබ්ධවන්ත ඉති කාරණාද් ඊශ්වරස්‍ය ධන්‍යවාදෝ භවතු| 18 ඉත්ථං යූයං පාපසේවාතෝ මුක්තාඃ සන්තෝ ධර්ම්මස්‍ය භෘත්‍යා ජාතාඃ| 19 යුෂ්මාකං ශාරීරික්‍යා දුර්බ්බලතායා හේතෝ ර්මානවවද් අහම් ඒතද් බ්‍රවීමි; පුනඃ පුනරධර්ම්මකරණාර්ථං යද්වත් පූර්ව්වං පාපාමේධ්‍යයෝ ර්භෘත්‍යත්වේ නිජාඞ්ගානි සමාර්පයත තද්වද් ඉදානීං සාධුකර්ම්මකරණාර්ථං ධර්ම්මස්‍ය භෘත්‍යත්වේ නිජාඞ්ගානි සමර්පයත| 20 යදා යූයං පාපස්‍ය භෘත්‍යා ආස්ත තදා ධර්ම්මස්‍ය නායත්තා ආස්ත| 21 තර්හි යානි කර්ම්මාණි යූයම් ඉදානීං ලජ්ජාජනකානි බුධ්‍යධ්වේ පූර්ව්වං තෛ ර‍්‍යුෂ්මාකං කෝ ලාභ ආසීත්? තේෂාං කර්ම්මණාං ඵලං මරණමේව| 22 කින්තු සාම්ප්‍රතං යූයං පාපසේවාතෝ මුක්තාඃ සන්ත ඊශ්වරස්‍ය භෘත්‍යා(අ)භවත තස්මාද් යුෂ්මාකං පවිත්‍රත්වරූපං ලභ්‍යම් අනන්තජීවනරූපඤ්ච ඵලම් ආස්තේ| 23 යතඃ පාපස්‍ය වේතනං මරණං කින්ත්වස්මාකං ප්‍රභුණා යීශුඛ්‍රීෂ්ටේනානන්තජීවනම් ඊශ්වරදත්තං පාරිතෝෂිකම් ආස්තේ|