Isaiah 59 (SUSU2)
1 عَلَتَلَ قَتَ وٌ رَكِسِدٍ،عَ قَتَ وٌ شَ دُبَ رَ مّدٍ، 2 كْنْ وٌ شَ وَلِ حَاشِ نَن وٌ مَكُيَشِ وٌ مَرِفِ عَلَ رَ،وٌ شَ يُنُبِيٍ نَن عَ يَتَفِ نْشُنشِ وٌ مَ.نَ نَن عَ رَ، عَ مُ وٌ شَ مَشَندِ سُشُمَ. 3 وُلِ نَ وٌ بّلّشّيٍ مَ، يُنُبِ نَ وٌ مَ.وٌ وُلٍ قَلَمَ، قٍ حَاشِ نَ وٌ دّ كُي. 4 مِشِ يٌ مُ بِرَ مَ كِيتِ تِنشِنشِ قْشْ رَ،نْندِ تِدٍ مُ نَ وٌ شَ كِيتِقٍ كُي.وٌ بِرَ مَ وْيّنيِ قُقَقُ نَن قْشْ رَ،وٌ وُلٍيٍ قَلَمَ نَشٍيٍ تْورّ نُن قٍ حَاشِ رَ مِنِمَ. 5 وٌ لُشِ نّ عَلْ بْشِمَسٍ شّلّ.نَشَن نَ دٌنمَ، عَ كَنيِ قَشَمَ نّ.نَ شَلّ نَ بُلَ، بْشِمَسٍ نَن مِنِمَ.وٌ لُشِ نّ عَلْ سَيّلّ. 6 عَ فّسّ مُ قِندِ مَ دُفِ رَ.عَ نَشَن يَءِلَنمَ نَ مُ نْمَ عَ مَكٌتٌدٍ.قٍ حَاشِ نَ عَ رَ، نَشَن مُ تِنشِن قٍوٌ. 7 عٍ شُلُن قٍ حَاشِ رَبَدٍ،عٍ فبَتَ مِشِ تْوحّفّدٍ، عٍ عَ قَشَ.عٍ شَ مَحْشُنيِ كٌبِ، عٍ قٍ شُن نَكَنَمَ نَن تُن. 8 عٍ مُ وَ مَ بْحّسَ شْن مَ،تِنشِنيِ يٌ مُ نَ عٍ شَ كِرَ شْن مَ.عٍ كِرَ مَدَلِنشِيٍ نَن يَءِلَنشِ،نَشَن مِشِ شُن تِمَ تِنشِنتَرٍيَ شْن. 9 نَ نَن عَ رَ، وٌن مَكُيَشِ تِنشِنيِ رَ،عَ مُ نْمَ وٌن لِدٍ.وٌن نَءِيَلَنيِ نَن قٍنمَ،كْنْ دِ مِ نَن تُن سِنمَ وٌن مَ.وٌن كُيٍ عِبَ نَن مَمّقٍ، كْنْ وٌن لُمَ كْي تَن نَن كُي. 10 وٌن نَ وٌن سَنتِدٍ قٍنقٍ عَلْ دْنشُي نَشَن حّرّ مَ عَ يِرٍ مَسُشُ مَ.وٌن بِرَ مَ يَنيِ رَ، عَلْ وٌن نَ حّرّقٍ دِ مِ نَن كُي.وٌن لُشِ نّ عَلْ مِشِ قَشَشِ سّنبّمَيٍ تَفِ. 11 وٌن شُرُندُنمَ عَلْ بُرُن سُبٍيٍ،وٌن وَ شُي رَ مِنِمَ عَلْ فَنبّ.وٌن فبٍ حْشْي نَن قٍنقٍ، كْنْ وٌن مُ عَ سْتْمَ.وٌن شَشِلِ تِشِ كِسِ نَن نَ، كْنْ عَ مَكُيَ وٌن نَ. 12 مُشُ نَ نَ كِ نّ، بَرِ مَ مُشُ شَ يُنُبِيٍ وُيَ،عٍ قِندِشِ سٍيدٍ نَن نَ مُشُ شِلِمَ.مُشُ شَ يُنُبِيٍ تٌمَ نّ مُشُ يَ مَ،مُشُ بَرَ عٍ كٌلٌن، مُشُ بَرَ مُشُ تِ عٍ رَ. 13 مُشُ بَرَ عِ مَتَندِ، مُشُ بَرَ عِ يَنقَ.مُشُ بَرَ فبِلٍن مُشُ مَرِفِ عَلَ قْشْ رَ.مُشُ بَرَ قٍ شْرْشْي دْشْ مُشُ نفَشَكٍرٍنيِيٍ مَ،مُشُ بَرَ وُلٍ قَلَ نَشٍيٍ قَتَنشِ مُشُ بْحّ كُي. 14 مُشُ نُن تِنشِنيِ تَفِ عِكُيَ.نْندِ مُ تٌمَ وٌن يَ مَ سْنْن.يَنقَنتٍيَ فبٌ. 15 نْندِ تٌ شْنْ، تِنشِنتْي نَن تُن تْورْ مَ. عَلَتَلَ تٌ عَ تٌ، عَ تِنشِنيِ مُ نَ سْنْن، نَ مُ رَقَن عَ مَ. 16 عَ عَ تٌشِ نّ مِشِ يٌ مُ نِمِسَشِ،عَ عَ دّ رَوَ عَلَتَلَ شْن مَ نَ قٍ مَ.نَ كُي عَ بَرَ نَ كِسِ وَلِ سُشُ عَ يّتّ رَ عَ شَ تِنشِنيِ شَ قٍ مَ. 17 عَ شَ تِنشِنيِ لُشِ نّ عَلْ كَنكٍ مَكَنتَسٍ،عَ شَ كِسِ لُ عَلْ عَ شُنيِ مَكَنتَسٍ.فبٍحْشْي لُشِ نّ عَ بّ عَلْ دٌنمَ عَ نَشَن نَفٌرٌ مَ عَ مَ،عَ شَ وَكِلِ لُ عَ بّ عَلْ شِنبٍلِ دٌنمَ. 18 عَلَ كَنكَن سَرٍ قِمَ نّ عَ شَ وَلِ رَ،عَ شْنْ عَ يَشُييٍ مَ يِرٍ مَكُيٍ،عَ عٍ سَرٍ قِ. 19 عِبُنَدَ مَ فَاشُمَ نّ عَلَتَلَ شِلِ يَ رَ،عٍ عَ شَ نْرّ بِنيَ كٍلِقٍ سٌفٍتٍدٍ مَ هَن سٌفٍفٌرٌدٍ،بَرِ مَ عَلَتَلَ سّنبّ عٍ لِمَ نّ عَلْ يٍ نَشَن دِكِ بْو مَ عَ رَ. 20 «شُنسَرَ مَ نَ قَقٍ سِيٌن،يَشُبَ بْنسْي بّ نَشٍيٍ تُوبِمَ عٍ شَ يُنُبِيٍ شَ قٍ رَ.عَلَتَلَ شَ مَسٍنيِ نَن نَ كِ.» 21 عَلَتَلَ نَشّ، «ﭑ مَ سَاتّ نَن يَ عٍ بّ؛‹ﭑ شَشِلِ نَشَن فٌرٌشِ عِ مَ،نَ ﭑ مَ مَسٍنيِ نَشَن سَشِ عِ دّ عِ،نٍيٍ مُ كٍلِمَ وٌ شُن مَ،نٍيٍ مُ كٍلِمَ وٌ شَ دِيٍ شُن مَ،نٍيٍ مُ كٍلِمَ عٍ قَن شَ دِيٍ شُن مَ عَبَدَن.›عَلَتَلَ شَ مَسٍنيِ نَن نَ كِ.»