Zephaniah 2 (TOMA)

1 À ɠaalɛ ba, wo maaɓɔ,wɔi wo ga zii, unfe ge la wo ma, 2 aisa deve zɛʋɛi ʋa ɠula,foloi ʋa leʋe eɠɛ molo ɓooloi,aisa Ɠɔoɠɔ GALAGI ná-ziiɠaawana ʋa zeeli wo ma,aisa Ɠɔoɠɔ GALAGI ná-ziiɠaawana voloi ʋa zeeli! 3 À Ɠɔoɠɔ GALAGI ɠaiziɛ, wɔi wo ga ɓɔɠɔmaayei nuiti zooi zu,wo ɠolozu ná-deveiti bɛ!À telebodai ɠaiziɛ ta ɓɔɠɔmaayeii.Tanisu toɠa wo yɛ ná Ɠɔoɠɔ GALAGI ná-ziiɠaawana voloi. 4 Kulaai ɠa wo Gaza ʋa tɛtɛ,Asekalɔn ɠoloɠolo,Asadɔde nuiti ti ɓɛ ná, ga folo gaalɔgai kpekpe,Ekelɔn nuiti ti ɠula ná ʋa. 5 Maanɔɠɔi ɠa wo ʋɛ, Kelɛte nuiti, kpoloɗɛi ɠoba zei wo nuiti!Ɠɔoɠɔ GALAGI ná-tukpɔi ɠa wo laalɔɠɔma, é ɠɛ ma:«Kanaan, é ga Filisiti nuiti ta-yooi,nà è ɠoloɠolosu, nu vulu nɔpɛ ge la mɔ ɠɛa ná. 6 Ɗa-yooi, kpoloɗɛi laaʋɛ,miná ɠa valibo ga togani laamiizuʋɛ,zooi baala makɛ nuiti ta ɠɛ ɓizɛzu su,ti ɗa baalagiti ta-zasai lo ná.» 7 Kpoloɗɛi laaʋɛ tɔna ka ɠɛ ga Zuda nuɓusɛi mɔtaiti tɔnɔ.Ta ɠɛ liizu ga ta-loganiiti ná, ti ɗa laami.Kpɔkɔi, ti ɗa looɠo Asekalɔn ʋɛlɛiti bu,mazɔlɔɔ Ɠɔoɠɔ GALAGI, ta-ƓALAGI ɠa ti maalobo,é ta-vai valibo ga pagɔ. 8 «Gè Moaɓe nuiti ta-ʋoomu gooiti mɛnini,ta woo ɲɔi Amɔn nuiti ti boni,ti ɓaaɠulani nà-nuɓusɛiti ma,ti ɗa ta-yooi zuwɔɔlɔ ga naati ta-yooi, ti ɠɛni seɠezu. 9 Naa ɠa é ba, eɠɛʋelei gè vulua la ga ɠite,Moaɓe ɠa ɠɛ ga Sɔdɔme ɠɛʋele,Amɔn nuiti ti ɠɛ ga Gomɔɔl ɠɛʋele,tufa ɲɔi letele nɔ ɠa a ɠɛ ʋɔnɔsu náʋɛ,kpolo ɠula yeɠei nɔ ɠɛ ná, zooi ɠoloɠolo mɛtu eyɛsu ɠɔ.Nà-nuɓusɛi mɔtaiti ta loo ti zu,nà-zooi zu nuiti ta yɛ ná, naati ta naa zeɠe ga tɔnɔ,»Ɠɔoɠɔ GALAGI, Fai-Pɛ-Maliɠii Izilayɛle ná-GALAGI wooi ɠana. 10 Naa ɠa zeelizu ti ma ga ta-wasogi ma zalai,tɔɔzei ti ɓaaɠulani Ɠɔoɠɔ GALAGI, Fai-Pɛ-Maliɠii, ná-nuɓusɛiti ma,ti ta-vaiti gaawɔɔlɔ, naati ti loo bu. 11 Ɠɔoɠɔ GALAGI ɠa ná-maayikii lɛ ga tiye,mazɔlɔɔ toɠa eteai ná-galagiti kpein koloɠolo.Naazu, anɛɛ zii niiti ti maaɠoozaai,ti pɛ ta lɛbiyai ve bɛ,ɛsɛ gilagilagi ɠa naa ɠɛ tɔ ɓɔɠɔi zeizuʋɛ. 12 Etiyopi nuɓusɛiti ɓalaa,nà-boɠa zɔkpɔi ɠa ti zuɓota. 13 Ɠɔoɠɔ GALAGI ɠa yeewuzeɠenu ɠɔʋɛzu ʋele yooi laalɔɠɔma,toɠa Asiili undaaʋili,é Ninive ɠoloɠolo,naa ɠɛ ga zou vɔɔi eɠɛ teʋebai. 14 Taai ʋuuzuʋɛ ɠa, toganiiti ta ɠɛ ʋɛɛzu ná,ta suai ma ziiti kpein,buungiti ta dɛvɛiti ta ɠɛ zɛlɛsu ma ɓɛdɛgiti ba kpidii.Nu ɗa wɔniiti goomɛni pɛlɛiti ma venɛtɛlɛiti da,nu ɠa yɛsu kpofalagi nɔ ma, è pɛlɛi wuuɠoloɠologai ɠa,sɛdele dakaiti ta ɠula ná. 15 Wɛlɛ lɛɛ taa wolai ʋa, koozunɛɛi ɠɛni su,su nuɓusɛiti ti ɠɛni kaazu ga ta zeini ziilɛigi zu,ti ɗa ɠisiɛ ga ti ɠɛɠala la ná.É woloa, é ɠɛa ga dɔɓɔ zuaiti pɛɛzuʋɛ!Zɔiti dɔin ti leʋesu náta foei vɛɛzu, ti yeeʋɛɛ la.

Zephaniah 2 (TOMA)

In Other Versions