Jeremiah 30 (BONLT)

1 Ma e wach mane obirone Jeremia koa kuom Jehova Nyasaye: 2 “Ma e gima Jehova Nyasaye, Nyasach Israel, wacho: ‘Ndik e kitabu weche duto masewachoni.’ 3 Jehova Nyasaye wacho niya, ‘Ndalo biro ma anaduog joga Israel kod Juda koa e twech kendo achokgi e piny mane amiyo kweregi mondo okaw,’ Jehova Nyasaye owacho.” 4 Magi e weche mane Jehova Nyasaye owacho kuom Israel gi Juda: 5 “Ma e gima Jehova Nyasaye wacho:“ ‘Ywak mar luoro winjore,en bwok malich, to ok kwe. 6 Koro lingʼuru mondo uparane:Bende dichwo nyalo nywolo nyithindo?To kare angʼo momiyo aneno dichwo ka dichwo maratego,komako iye ka dhako mamuoch kayo,ka luoro omakogi ka joma chiegni tho? 7 Mano kaka odiechiengʼno nobed malich!Onge manochal kode.Enobed kinde mag chandruok ne Jakobo,to norese.’ ” 8 Jehova Nyasaye Maratego wacho niya,“ ‘E odiechiengʼno anatur jok manie ngʼutgi,kendo anachod nyoroche motwegigo;joma welo ok nochak oketgi wasumbini mag-gi kendo. 9 To kata kamano ginitine Jehova Nyasaye ma Nyasachgikod Daudi ruodhgi,ma anamigi. 10 “ ‘Omiyo kik iluor, yaye Jakobo jatichna;kik ibwogi, yaye Israel,’Jehova Nyasaye owacho.‘Adier anaresi kia e piny mabor,in kaachiel gi nyikwayi koaye piny motwegie.Jakobo nobed gi kwekendo norite maonge ngʼama nomiye luoro. 11 Anabed kodi kendo anaresi,’Jehova Nyasaye wacho.‘Kata obedo ni atieko chuth ogendiniduto ma akeyou e diergi,ok anatieki chuth.Anakumu ka angʼadonu bura makare;ok anaweu ma ok akumou.’ 12 “Ma e gima Jehova Nyasaye wacho:“ ‘Adhola mari ok nyal thiedhi,hinyruok mari okalo chango. 13 Onge ngʼama nyalo chiwo kwayoni kari,kendo onge gima nyalo thiedhoni adhola,kata manyalo changi. 14 Joma ne osiepeni duto wigi osewil kodi;kendo ok gidewi.Asegoyi mana ka jasigukendo kumi mana ka ngʼama kwiny,nikech ketho mari duongʼkendo richoni ngʼeny. 15 Angʼo momiyo iywak kuom adhondi,to in-gi rem ma ok thiedhre?Asekumou kamano nikech richou ngʼeny,kendo nikech timbeu maricho lich. 16 “ ‘To jogo duto motiekou notieki;wasiku duto noter e twech.Jogo momayou nomagi;jogo moketonu obadho anaketnegi obadho. 17 Anamiyi ngima maberkendo anathiedh adhondeni,’Jehova Nyasaye ema owacho,‘nikech iluongi ni ngʼama owit oko,Sayun maonge ngʼama dewo.’ 18 “Ma e gima Jehova Nyasaye wacho:“ ‘Anaduog mwandu mag hembe Jakobokendo abed gi ngʼwono e kuondege mag dak;dala maduongʼ noger kendo e kuondege mano okethe,kendo kar dak ruoth noger e kare malongʼo. 19 Jogi nodwok erokamano ka giwerkendo ka gikok gi mor.Anamed kwan mag-gi,kendo ok ginidog chien;mi anamigi duongʼ,kendo ok nokawgi matin. 20 Nyithindgi nochal kaka e ndalo machon,kendo anagur anywolagi motegno,mi anakum jogo duto ma thirogi. 21 Jatendgi nobed achiel kuomgi;jatendgi noa e diergi.Anakele machiegni kendo enobi machiegni koda,nimar en ngʼa manyalo chiwore,mondo obed machiegni koda?’ ”Jehova Nyasaye ema owacho. 22 “ ‘Omiyo unubed joga,kendo anabed Nyasachu.’ ” 23 Neuru, apaka mar Jehova Nyasaye biro mwomore gi mirimbe,yamo mafuto malich ka futo e wiye joma timbegi mono. 24 Mirima mager mar Jehova Nyasaye ok nodog chiennyaka one ni ochopo dwaro mar chunye.E ndalo ma biro iniwinj tiend wachni.

Jeremiah 30 (BONLT)

In Other Versions