1 Peter 1 (SBIOS)
1 ପନ୍ତ-ଗାଲାତିଯା-କପ୍ପଦକିଯା-ଆଶିଯା-ବିଥୁନିଯାଦେଶେଷୁ ପ୍ରୱାସିନୋ ଯେ ୱିକୀର୍ଣଲୋକାଃ 2 ପିତୁରୀଶ୍ୱରସ୍ୟ ପୂର୍ୱ୍ୱନିର୍ଣଯାଦ୍ ଆତ୍ମନଃ ପାୱନେନ ଯୀଶୁଖ୍ରୀଷ୍ଟସ୍ୟାଜ୍ଞାଗ୍ରହଣାଯ ଶୋଣିତପ୍ରୋକ୍ଷଣାଯ ଚାଭିରୁଚିତାସ୍ତାନ୍ ପ୍ରତି ଯୀଶୁଖ୍ରୀଷ୍ଟସ୍ୟ ପ୍ରେରିତଃ ପିତରଃ ପତ୍ରଂ ଲିଖତି| ଯୁଷ୍ମାନ୍ ପ୍ରତି ବାହୁଲ୍ୟେନ ଶାନ୍ତିରନୁଗ୍ରହଶ୍ଚ ଭୂଯାସ୍ତାଂ| 3 ଅସ୍ମାକଂ ପ୍ରଭୋ ର୍ୟୀଶୁଖ୍ରୀଷ୍ଟସ୍ୟ ତାତ ଈଶ୍ୱରୋ ଧନ୍ୟଃ, ଯତଃ ସ ସ୍ୱକୀଯବହୁକୃପାତୋ ମୃତଗଣମଧ୍ୟାଦ୍ ଯୀଶୁଖ୍ରୀଷ୍ଟସ୍ୟୋତ୍ଥାନେନ ଜୀୱନପ୍ରତ୍ୟାଶାର୍ଥମ୍ ଅର୍ଥତୋ 4 ଽକ୍ଷଯନିଷ୍କଲଙ୍କାମ୍ଲାନସମ୍ପତ୍ତିପ୍ରାପ୍ତ୍ୟର୍ଥମ୍ ଅସ୍ମାନ୍ ପୁନ ର୍ଜନଯାମାସ| ସା ସମ୍ପତ୍ତିଃ ସ୍ୱର୍ଗେ ଽସ୍ମାକଂ କୃତେ ସଞ୍ଚିତା ତିଷ୍ଠତି, 5 ଯୂଯଞ୍ଚେଶ୍ୱରସ୍ୟ ଶକ୍ତିତଃ ଶେଷକାଲେ ପ୍ରକାଶ୍ୟପରିତ୍ରାଣାର୍ଥଂ ୱିଶ୍ୱାସେନ ରକ୍ଷ୍ୟଧ୍ୱେ| 6 ତସ୍ମାଦ୍ ଯୂଯଂ ଯଦ୍ୟପ୍ୟାନନ୍ଦେନ ପ୍ରଫୁଲ୍ଲା ଭୱଥ ତଥାପି ସାମ୍ପ୍ରତଂ ପ୍ରଯୋଜନହେତୋଃ କିଯତ୍କାଲପର୍ୟ୍ୟନ୍ତଂ ନାନାୱିଧପରୀକ୍ଷାଭିଃ କ୍ଲିଶ୍ୟଧ୍ୱେ| 7 ଯତୋ ୱହ୍ନିନା ଯସ୍ୟ ପରୀକ୍ଷା ଭୱତି ତସ୍ମାତ୍ ନଶ୍ୱରସୁୱର୍ଣାଦପି ବହୁମୂଲ୍ୟଂ ଯୁଷ୍ମାକଂ ୱିଶ୍ୱାସରୂପଂ ଯତ୍ ପରୀକ୍ଷିତଂ ସ୍ୱର୍ଣଂ ତେନ ଯୀଶୁଖ୍ରୀଷ୍ଟସ୍ୟାଗମନସମଯେ ପ୍ରଶଂସାଯାଃ ସମାଦରସ୍ୟ ଗୌରୱସ୍ୟ ଚ ଯୋଗ୍ୟତା ପ୍ରାପ୍ତୱ୍ୟା| 8 ଯୂଯଂ ତଂ ଖ୍ରୀଷ୍ଟମ୍ ଅଦୃଷ୍ଟ୍ୱାପି ତସ୍ମିନ୍ ପ୍ରୀଯଧ୍ୱେ ସାମ୍ପ୍ରତଂ ତଂ ନ ପଶ୍ୟନ୍ତୋଽପି ତସ୍ମିନ୍ ୱିଶ୍ୱସନ୍ତୋ ଽନିର୍ୱ୍ୱଚନୀଯେନ ପ୍ରଭାୱଯୁକ୍ତେନ ଚାନନ୍ଦେନ ପ୍ରଫୁଲ୍ଲା ଭୱଥ, 9 ସ୍ୱୱିଶ୍ୱାସସ୍ୟ ପରିଣାମରୂପମ୍ ଆତ୍ମନାଂ ପରିତ୍ରାଣଂ ଲଭଧ୍ୱେ ଚ| 10 ଯୁଷ୍ମାସୁ ଯୋ ଽନୁଗ୍ରହୋ ୱର୍ତ୍ତତେ ତଦ୍ୱିଷଯେ ଯ ଈଶ୍ୱରୀଯୱାକ୍ୟଂ କଥିତୱନ୍ତସ୍ତେ ଭୱିଷ୍ୟଦ୍ୱାଦିନସ୍ତସ୍ୟ ପରିତ୍ରାଣସ୍ୟାନ୍ୱେଷଣମ୍ ଅନୁସନ୍ଧାନଞ୍ଚ କୃତୱନ୍ତଃ| 11 ୱିଶେଷତସ୍ତେଷାମନ୍ତର୍ୱ୍ୱାସୀ ଯଃ ଖ୍ରୀଷ୍ଟସ୍ୟାତ୍ମା ଖ୍ରୀଷ୍ଟେ ୱର୍ତ୍ତିଷ୍ୟମାଣାନି ଦୁଃଖାନି ତଦନୁଗାମିପ୍ରଭାୱଞ୍ଚ ପୂର୍ୱ୍ୱଂ ପ୍ରାକାଶଯତ୍ ତେନ କଃ କୀଦୃଶୋ ୱା ସମଯୋ ନିରଦିଶ୍ୟତୈତସ୍ୟାନୁସନ୍ଧାନଂ କୃତୱନ୍ତଃ| 12 ତତସ୍ତୈ ର୍ୱିଷଯୈସ୍ତେ ଯନ୍ନ ସ୍ୱାନ୍ କିନ୍ତ୍ୱସ୍ମାନ୍ ଉପକୁର୍ୱ୍ୱନ୍ତ୍ୟେତତ୍ ତେଷାଂ ନିକଟେ ପ୍ରାକାଶ୍ୟତ| ଯାଂଶ୍ଚ ତାନ୍ ୱିଷଯାନ୍ ଦିୱ୍ୟଦୂତା ଅପ୍ୟୱନତଶିରସୋ ନିରୀକ୍ଷିତୁମ୍ ଅଭିଲଷନ୍ତି ତେ ୱିଷଯାଃ ସାମ୍ପ୍ରତଂ ସ୍ୱର୍ଗାତ୍ ପ୍ରେଷିତସ୍ୟ ପୱିତ୍ରସ୍ୟାତ୍ମନଃ ସହାଯ୍ୟାଦ୍ ଯୁଷ୍ମତ୍ସମୀପେ ସୁସଂୱାଦପ୍ରଚାରଯିତୃଭିଃ ପ୍ରାକାଶ୍ୟନ୍ତ| 13 ଅତଏୱ ଯୂଯଂ ମନଃକଟିବନ୍ଧନଂ କୃତ୍ୱା ପ୍ରବୁଦ୍ଧାଃ ସନ୍ତୋ ଯୀଶୁଖ୍ରୀଷ୍ଟସ୍ୟ ପ୍ରକାଶସମଯେ ଯୁଷ୍ମାସୁ ୱର୍ତ୍ତିଷ୍ୟମାନସ୍ୟାନୁଗ୍ରହସ୍ୟ ସମ୍ପୂର୍ଣାଂ ପ୍ରତ୍ୟାଶାଂ କୁରୁତ| 14 ଅପରଂ ପୂର୍ୱ୍ୱୀଯାଜ୍ଞାନତାୱସ୍ଥାଯାଃ କୁତ୍ସିତାଭିଲାଷାଣାଂ ଯୋଗ୍ୟମ୍ ଆଚାରଂ ନ କୁର୍ୱ୍ୱନ୍ତୋ ଯୁଷ୍ମଦାହ୍ୱାନକାରୀ ଯଥା ପୱିତ୍ରୋ ଽସ୍ତି 15 ଯୂଯମପ୍ୟାଜ୍ଞାଗ୍ରାହିସନ୍ତାନା ଇୱ ସର୍ୱ୍ୱସ୍ମିନ୍ ଆଚାରେ ତାଦୃକ୍ ପୱିତ୍ରା ଭୱତ| 16 ଯତୋ ଲିଖିତମ୍ ଆସ୍ତେ, ଯୂଯଂ ପୱିତ୍ରାସ୍ତିଷ୍ଠତ ଯସ୍ମାଦହଂ ପୱିତ୍ରଃ| 17 ଅପରଞ୍ଚ ଯୋ ୱିନାପକ୍ଷପାତମ୍ ଏକୈକମାନୁଷସ୍ୟ କର୍ମ୍ମାନୁସାରାଦ୍ ୱିଚାରଂ କରୋତି ସ ଯଦି ଯୁଷ୍ମାଭିସ୍ତାତ ଆଖ୍ୟାଯତେ ତର୍ହି ସ୍ୱପ୍ରୱାସସ୍ୟ କାଲୋ ଯୁଷ୍ମାଭି ର୍ଭୀତ୍ୟା ଯାପ୍ୟତାଂ| 18 ଯୂଯଂ ନିରର୍ଥକାତ୍ ପୈତୃକାଚାରାତ୍ କ୍ଷଯଣୀଯୈ ରୂପ୍ୟସୁୱର୍ଣାଦିଭି ର୍ମୁକ୍ତିଂ ନ ପ୍ରାପ୍ୟ 19 ନିଷ୍କଲଙ୍କନିର୍ମ୍ମଲମେଷଶାୱକସ୍ୟେୱ ଖ୍ରୀଷ୍ଟସ୍ୟ ବହୁମୂଲ୍ୟେନ ରୁଧିରେଣ ମୁକ୍ତିଂ ପ୍ରାପ୍ତୱନ୍ତ ଇତି ଜାନୀଥ| 20 ସ ଜଗତୋ ଭିତ୍ତିମୂଲସ୍ଥାପନାତ୍ ପୂର୍ୱ୍ୱଂ ନିଯୁକ୍ତଃ କିନ୍ତୁ ଚରମଦିନେଷୁ ଯୁଷ୍ମଦର୍ଥଂ ପ୍ରକାଶିତୋ ଽଭୱତ୍| 21 ଯତସ୍ତେନୈୱ ମୃତଗଣାତ୍ ତସ୍ୟୋତ୍ଥାପଯିତରି ତସ୍ମୈ ଗୌରୱଦାତରି ଚେଶ୍ୱରେ ୱିଶ୍ୱସିଥ ତସ୍ମାଦ୍ ଈଶ୍ୱରେ ଯୁଷ୍ମାକଂ ୱିଶ୍ୱାସଃ ପ୍ରତ୍ୟାଶା ଚାସ୍ତେ| 22 ଯୂଯମ୍ ଆତ୍ମନା ସତ୍ୟମତସ୍ୟାଜ୍ଞାଗ୍ରହଣଦ୍ୱାରା ନିଷ୍କପଟାଯ ଭ୍ରାତୃପ୍ରେମ୍ନେ ପାୱିତମନସୋ ଭୂତ୍ୱା ନିର୍ମ୍ମଲାନ୍ତଃକରଣୈଃ ପରସ୍ପରଂ ଗାଢଂ ପ୍ରେମ କୁରୁତ| 23 ଯସ୍ମାଦ୍ ଯୂଯଂ କ୍ଷଯଣୀଯୱୀର୍ୟ୍ୟାତ୍ ନହି କିନ୍ତ୍ୱକ୍ଷଯଣୀଯୱୀର୍ୟ୍ୟାଦ୍ ଈଶ୍ୱରସ୍ୟ ଜୀୱନଦାଯକେନ ନିତ୍ୟସ୍ଥାଯିନା ୱାକ୍ୟେନ ପୁନର୍ଜନ୍ମ ଗୃହୀତୱନ୍ତଃ| 24 ସର୍ୱ୍ୱପ୍ରାଣୀ ତୃଣୈସ୍ତୁଲ୍ୟସ୍ତତ୍ତେଜସ୍ତୃଣପୁଷ୍ପୱତ୍| ତୃଣାନି ପରିଶୁଷ୍ୟତି ପୁଷ୍ପାଣି ନିପତନ୍ତି ଚ| 25 କିନ୍ତୁ ୱାକ୍ୟଂ ପରେଶସ୍ୟାନନ୍ତକାଲଂ ୱିତିଷ୍ଠତେ| ତଦେୱ ଚ ୱାକ୍ୟଂ ସୁସଂୱାଦେନ ଯୁଷ୍ମାକମ୍ ଅନ୍ତିକେ ପ୍ରକାଶିତଂ|