Isaiah 65 (SUSU2)
1 «ﭑ بَرَ ﭑ يّتّ مَسٍن مِشِيٍ بٍ نَشٍيٍ مُ نُ ﭑ شِلِشِ،مِشِيٍ بَرَ ﭑ تٌ نَشٍيٍ مُ نُ ﭑ قٍنمَ.ﭑ بَرَ عَ قَلَ، ‹ﭑ تَن نَن يَ،›سِ ندٍ بّ نَشَن مُ نُ شِلِمَ. 2 ﭑ نَ ﭑ بّلّشّ تِ نّ لْشْي بِرِن حَمَ تُلِ شْرْشْشِ بّ،نَشَن حّرّ مَ كِرَ حَاشِ شْن عٍ يّتّ وَشْنيِ قٍنقٍ رَ. 3 نَ حَمَ كَتَمَ تّمُي بِرِن ﭑ نَشْنْقٍ رَ.عٍ سّرّشّيٍ بَمَ سَنسِ يِرٍ،عٍ سُرَيِ قَن فَن سّرّشّ رَ عٍ شَ عَلَيٍ بّ. 4 عٍ دْشْمَ فَبُرِ سّيتِ مَ كْي رَ،عٍ شْسّ سُبٍ دٌن، عَ نُن سٍ سّنِيّنتَرٍ فبّتّيٍ. 5 عٍ عَ قَلَمَ مِشِيٍ بّ، ‹وٌ نَشَ وٌ مَسٌ ﭑ نَ دٍ،بَرِ مَ ﭑ سّنِيّنشِ دَنفِقٍ وٌ رَ.›نَ مِشِ مْولِ شَ قٍ شْرْشْعَلْ تُورِ نَشَن تٍمَ تّ يِرٍ، عَ سِفَ مِشِ مَ.» 6 «يِ نَن سّبّشِ ﭑ يَ عِ،ﭑ مُ دُندُ مَ نَ مَ قٍوٌ.ﭑ نَ سَرٍ بِرِن قِمَ نّ عٍ مَ. 7 ﭑ تَن وٌ مَرِفِ نَشّ،‹ﭑ وٌ شَ يُنُبِ سَرٍ قِمَ نّ،وٌ تَن نُن وٌ بٍنبَيٍ مَ،بَرِ مَ وٌ نُ سّرّشّيٍ بَمَ فٍيَيٍ نَن قَرِ،وٌ نُ قٍ حَاشِ رَبَ ﭑ نَ مّننِ.نَ كُي ﭑ وٌ شَ يُنُبِ سَرٍ قِمَ نّ وٌ مَ،وٌ شَ قٍ حَاشِيٍ شَ قٍ رَ.›» 8 عَلَتَلَ شَ مَسٍنيِ نَن يَ،«مِشِ نَ بٌفِ ندٍ بُندُقٍ تّمُي نَشّ،عٍ قَ وَ نَ بٌفِ وْلّقٍ،مِشِ فبّتّ عَ قَلَمَ نّ عٍ بّ،‹عِ نَشَ نَ وْلّ. يٍ ندٍ مَن لُشِ عَ كُي.›ﭑ قَن نَ مْولِ رَبَمَ نّ ﭑ قْشِرَبِرّيٍ رَ.ﭑ مُ عٍ بِرِن حَشَنكَتَمَ. 9 ﭑ يَشُبَ شَ دِ ندٍيٍ رَكٍلِمَ نّ،ﭑ يُدَ شَ دِ ندٍيٍ كِ ﭑ مَ فٍيَيٍ رَ.ﭑ نَ ﭑ مَ فٍيَيٍ قِمَ نّ ﭑ مَ حَمَ سُفَندِشِ مَ،عٍ شَ سَبَتِ نَا، عَ قَ قِندِ عٍ كّ رَ. 10 سَرْن قِيلِ قِمَ نّ عٍ مَ عٍ شُرُ سٍيٍ مَدٌنمَ دّننَشّ،عَكٌرِ فُلُنبَ قِندِ مَ مَلَبُدٍ نَن نَ عٍ شَ فْورّ بٍ.ﭑ نَ بِرِن نَبَمَ نّ ﭑ مَ حَمَ بّ نَشَن ﭑ قٍنمَ.» 11 «كْنْ وٌ تَن نَشٍيٍ وٌ كٌبٍ سٌشِ ﭑ تَن عَلَتَلَ رَ،وٌ قَ نّيمُ ﭑ مَ فٍيَ سّنِيّنشِ مَ،وٌ قَ سّرّشّ بَ وٌ شَ عَلَيٍ بّ،نَشَن شِلِمَ فَدِ ‹شُننَقَنيِ كَنيِ›شَ نَ مُ عَ رَ، نَشَن شِلِمَ مٍنِ ‹مَرَفِرِ كَنيِ،› 12 ﭑ بَرَ نَتّ تٌنفٌ وٌ تَن حَشَنكَتَمَ سَنتِدّفّمَ نَن نَ،وٌ بِرِن قَ قَشَ.ﭑ بَرَ وٌ شِلِ، كْنْ وٌ مُ قَ.ﭑ بَرَ وْيّن، كْنْ وٌ مُ وٌ تُلِ مَتِ.وٌ بَرَ قٍ حَاشِ رَبَ نَشَن مُ رَقَن ﭑ مَ قٍوٌ.» 13 نَ كُي وٌ مَرِفِ عَلَ يِ نَن قَلَ،«ﭑ مَ كٌنيِيٍ عٍ دّفٍمَ نّ،كْنْ ﭑ وٌ تَن لُمَ كَامّ نَن كُي.ﭑ مَ كٌنيِيٍ عٍ مِنمَ،كْنْ يٍ شْلِ لُمَ نّ وٌ تَن مَ.ﭑ مَ كٌنيِيٍ سّيوَ مَ نّ،كْنْ يَافِ دُ سُمَ نّ وٌ تَن شُن نَ. 14 ﭑ مَ كٌنيِيٍ بّيتِ بَمَ سّيوّ نَن كُي،كْنْ وٌ تَن وَ مَ نّ تْورّ كُي، وٌ بْحّ قَ رَحَاشُ وٌ مَ. 15 وٌ شِلِ قِندِ مَ نّ دَنكّ رَ ﭑ مَ حَمَ تَفِ.عَلَتَلَ سّنبّمَ وٌ قَشَمَ نّ،كْنْ عَ شِلِ نّينّ قِمَ نّ عَ شَ كٌنيِيٍ مَ. 16 مِشِ نَشَن دُبّ رَبَمَ يِ بْشِ مَ،عَ نَ رَبَمَ نْندِ نَن كُي عَلَ شِلِ رَ.مِشِ نَشَن كَلِ تِمَ يِ بْشِ مَ،عَ نَ رَبَمَ نْندِ نَن كُي عَلَ شِلِ رَ.تْورّ دَنفِشِ نّيمُمَ نّ ﭑ نَ، عَ بَ ﭑ يَ عِ.» 17 «وٌ شَ عَ كٌلٌن ﭑ قَمَ نّ كٌورٍ نُن بْشِ نّينّ دَادٍ.مِشِ مُ رَتُمَ قٍ قٌرِيٍ مَ سْنْن. 18 كْنْ ﭑ مَ دَالِ، وٌ شَ سّيوَ عَبَدَن،بَرِ مَ ﭑ دَرِ سَلَمُ دَامَ نّ عَ شَ وٌ رَ سّيوَ هَن. 19 ﭑ سّيوَ مَ نّ دَرِ سَلَمُ تَفِ،ﭑ قٍ قَنيِ رَبَ ﭑ مَ مِشِيٍ بّ،وَ شُي مُ مّمَ سْنْن. 20 دِ يٌ مُ قَشَمَ عَ يْرّ رَ سْنْن،مِشِ مْشِ يٌ قَن مُ قَشَمَ قٌ عَ شَ سِمَيَ كَمَلِ.مِشِ نَشَن حّ كّمّ سِمَيَ سْتْمَ، عَ قَ قَشَ،عَ لُمَ نّ عَلْ عَ نَ قَشَ عَ دِ مّدِ تّمُي، عَ قِندِ مِشِ دَنكَشِ رَ. 21 عٍ بَنشِيٍ تِمَ نّ، عٍ سَبَتِ عٍ كُي.عٍ وُرِ بِلِيٍ سِمَ نّ، عٍ عٍ بٌفِ دٌن. 22 عٍ مُ بَنشِيٍ تِمَ سْنْن، مِشِ فبّتّيٍ قَ سَبَتِ نٍيٍ كُي.عٍ مُ سَنسِ سِمَ سْنْن، مِشِ فبّتّيٍ قَ نَ بٌفِ دٌن.ﭑ مَ حَمَ بُمَ نّ، عَلْ وُرِ شُنفبٍيٍ.ﭑ مَ مِشِ سُفَندِشِيٍ سّيوَ مَ نّ عٍ شَ وَلِ رَ. 23 عٍ مُ وَلِمَ قُ رَ، عٍ شَ دِيٍ مُ فبَلٌي سْتْمَ.عٍ قِندِ مَ عَلَ بْنسْي بَرَكَشِ نَن نَ،عٍ تَن نُن عٍ شَ دِيٍ لُمَ نَ كِ نّ عَبَدَن. 24 بٍينُ عٍ شَ ﭑ مَشَندِ، عَ لِمَ نّ ﭑ حَن بَرَ عٍ شُي سُشُ.بٍينُ عٍ شَ فّ قٍ ندٍ قَلَدٍ، ﭑ حَن بَرَ نَ مّ. 25 شُلُمَسٍ نُن سِ لُمَ نّ كُلّ كٍرٍن.يّتّ نُن نِنفٍ حٌوفٍ دٌنمَ نّ يِرٍ كٍرٍن.كْنْ بْشِمَسٍ لُمَ عَ بَلٌ رَ شُبُتَنيِ نَن نَ.عٍ مُ قٍ يٌ كَنَمَ ﭑ مَ فٍيَ سّنِيّنشِ قَرِ.»عَلَتَلَ شَ مَسٍنيِ نَن نَ كِ.