Song of Songs 5 (TBIAOTANT)

1 1a O nan amuim, nɨ bar nan dɨghorimra,kɨ uan azenimɨn izegha gɨfa.Egha nan sanda ko temer eborir mughuriar aghuiba itiba,kɨ da akufa.Kɨ uan hanin aghuim amegha,uan bulmakaun oter eborim ko wainɨn dɨpam amegha gɨfa. 1b Gua namakar aghuimning,gua deravɨra uaning gifongegh,mati gua dagheba ko dɨpaba apa,ghua bar izɨfa. 2 2a Kɨ dɨmagarimɨn akuima,nan nɨghnɨzim ingaravɨra iti.Egha kɨ irebamɨn aven uan roroar gumazir kɨ bar ifongezimɨn garima,a nan tiar akam gafughafusi. 2b O nan amuim, nɨ guizɨn bar nan dɨghorim,nɨ kuarazir bunbamɨn mɨn ikia guizbangɨra bar dera.Nɨ tiam kuightɨ kɨ aven izam.Dɨmagarimɨn ghuariam izaghira nan dapanim rue.Ezɨ nan dapanarɨzim kumkumi. 3 Kɨ uan korotiar ruarim suegha gɨfa.Kɨ tizim bagh uam aneghuam?Kɨ uan dagariba ruegha gɨfa.Egh dɨkavigh daruan aghua.Tizim bagh nan dagariba ua mɨzegham? 4 Kɨ orazi, nan roroar gumazir kɨ bar ifongezim,tiam kuighasa uan dafarim isa aven tiar torimɨn amadagha tiar akamɨn igugunimɨn suirazɨ,nan mɨkarzim na dɨkafi,ezɨ kɨ a baghavɨra ikia bar akonge. 5 Kɨ uan roroar kɨ bar ifongezim bagha tiam kuasa dɨkafi.Kɨ uan dafarim isa tiar akamɨn gugunim darɨghasava amima,ezɨ sandan nan dafarimɨn itim, iratiar akamɨn igugunimɨn poro. 6 Kɨ uan roroar gumazir kɨ bar ifongezim bagha tiam kui.Kɨ gari, ezɨ puvatɨ, a zuamɨra ua ragha ghugha gɨfa.Ezɨ kɨ an garir puvatɨ.Kɨ an mɨgɨrɨgɨabagh nɨghnɨghanan navim a bagha bar ikufi.Kɨ a buriagharua, an apizir puvatɨ.Kɨ an deima, a na ikarazir puvatɨ. 7 Ezɨ nguibar ekiamɨn dɨvazim geghuvir gumaziba na batogha,na mɨsogha na mɨkarzim gasɨghasigha,egha kɨ azenan azuir korotiam ini. 8 O Jerusalemɨn amiziba, kɨ akar gavgavim ia ganɨga ghaze,Ia nan roroar gumazir kɨ bar ifongezir kam, ia a batoghɨva, a mɨkɨm suam,kɨ bar a gifonge.Bizir kam bagha nan agharapaniba nan amɨrazɨ, nan damazimning nan sɨri. 9 O amizir dirim, nɨn ganganim bar deraghaamizir igharazibar ganganiba bar dagh afira.Nɨ ifongezir roroar gumazir kam,a gumazir manmaghɨn garim?A ti e amizir igharaziba en paba bar dagh afira,kamaghɨn amizɨ nɨ ghaze,e nɨ ko akar kam akɨram. 10 Nan roroar gumazir kɨ bar ifongezim, a bar gavgavigha,an guam bar derazɨ, an damazimning dafozɨ, an mɨkarzimɨn ganganim bar dera,egha gumazir tausen plan avɨribar ganganim gafira. 11 An dapanim bar deragha golɨn mɨn dafo.An dapanarɨzim pigha bar dera,mati kuarazir pɨzimɨn arɨzim. 12 An damazimning bar dafogha,mati kuarazir bunbamning ruegha gɨvagha, dɨpar mɨriamɨn aperaghav iti. 13 An koviamningɨn bar deraghamati temer eborir mughuriar aghuim itiba azenim gizɨfa.An iriviba, mati akɨmarir aghuim.An mɨgɨrɨgɨaba bar dera,mati sandan mughuriar aghuim. 14 An agharimning bar dera.Egh uan dafarimningɨn kurka ringɨn ivezir pɨn koziba aghui.An navir asɨzim bar ghurghurigha, bar dafo.Ezɨ an letiam me dagɨar bluplan ivezir pɨn kozibar anesɨngizɨ, a uan ivariam gike. 15 An suemning mati guarir akɨnir pumuning,me dagɨar ghurghurir aghuibar aningɨn ingari.Ezɨ aning golɨn taghtazir pumuning gisɨn tughav iti.An ganganim bar deragha, mati sidan temer diriba,egha mati Lebanonɨn kantrin mɨghsɨar ekiaba. 16 A nan torima, kɨ an isɨngtɨzim isi.An mɨkarzim bar moghɨra na gamima, kɨ bar a gifonge.O ia Jerusalemɨn amiziba,kɨ ifongezir gumazir kam, a nan roroar aghuim,an ganganim kamaghɨn gari.

Song of Songs 5 (TBIAOTANT)

In Other Versions