Job 6 (YAPE)

1 1-2 Fa’anra mang e rayag i tomaleg e pi momaw’ rog min thabthabelnag e gafgow rog u daken e thabthabel! 3 mra tomal ko yan’ u maday,ere dab mu gin nga rogon e thin rog. 4 Got ni Gubin ma Rayag Rok e ke yip’eg ko gan e gat’ing,ni yub riy e kenad u fithik’ i dowag.Ke k’afeg Got e marus be aw ngog. 5 Bfel’ laniyan’ ba dongki ko ngiyal ni be kay e pan,ma ba garbaw ni be kay e pan e bmath gulungan. 6 Machane mini’ e ma kay e ggan, ni dariy e sol riy?Mang e re lamen ni bay ko fak e nimen ndariy luk’an? 7 Dag adag ni nggu woy e mitnef e ggan,ma urngin ni gu be kay e be karing e m’ar ngog. 8 Mangfan ni der pi’ Got ngog e n’en ni gu be ning?Mangfan ni der fulweg taban e meybil rog? 9 Mang e yigi li’eg ngum’! 10 Mang e gu manang nra rin’, mar gu ra tim’og ngalang ko felfelan’,ni demturug fini gel e amith rog.Ri gu manang ni Got e ba thothup;Dawor gu togopluw bi’id ko tin keyog. 11 Dakuriy gelngig ni ngkug par ni gub fos.Mang ni ngkug par ni gub fos ndakriy ban’en ni be lagan’ug ngay? 12 Gur, ni ngongliyeg ko malang? Fa downgig e wasey ni bronze? 13 Dakuriy gelngig ni nggu ayuwegneg,ma ku dariy bang ni gu ra cheal ngay ni man ayuw. 14 Gu ma finey e fager nib yul’yul’ u fithik’ e gafgow ni ara’ rogon,ni demturug ko kug pag Got fa dawo’. 15 Ma gimed ni fager rog, e gimed be ban nigeg ni bod yoch pa’ i lul’ni mlik’ u ngal’an e yal’. 16 Pi lul’ e man ko snow nge ayis, 17 machane ra yib e gowal me ranran nge m’ay ngabang,me par fa yoch pa’ i lul’ nike mlik’. 18 Yu thelep i girdi’ ni yad ma milekag ni mogow ran e yad ma malog;yad ma garay i yan ngu’ur m’ad u lan e ted ni desert. 19 Pi thelep i girdi’ nu Sheba ngu Tema ni yad ma mogow, 20 e ri ma math e liyab ngorad u to’oben yoch pa’ i lul’ nib mlik. 21 Gimed bod e yoch pa’ i lul’ nem ngog,Ka mu guyed e gafgow nike aw ngog, ma kam sulod riy nga tomur u fithik’ e marus. 22 Mogned, ka’a gu ning ba tow’ath ngomedara kam pi’ed puluwon be’ ni nge sasalap ni fan ngog 23 ara kam ayuweged gag u pa’ ba to’ogor ara ba pilung nib kireb? 24 Are kefel’, mu fonow nigedgag; mu weliyed thibnging ngog.Bay guthab’ gulngag nggu motoyil ngomed. 25 Thin ni yul’yul’ e ba gel gelngin,machane der paluw e n’en ni gimed be yog. 26 Gimed be leamnag ni tin gu be yog e dariyfan kemus nnifeng;me ere mangfan ni gimed be fulweg lungug nike mulan’ug? 27 Mus ko pi’in pifak e pi tapigpig ni kanim’ rorad ma gimed be giringiy e pow ni nge duwgiliy ko mini’ romed e nge mil suworad ngak,ma kigmed be libeg ni ngam fla’abgad u puluwon e pi tafager nth’abi chugur ngomed! 28 Mu sapgad nga owcheg.Dab gu ban. 29 Ngam musgad u wur. Ya de mat’aw e n’en ni gimed be rin’.Dab mu ted e kireb nga dakenag. Ya bfel’ e rog. 30 Ma gimed be leamnag ni gu be ban —gimed be leamnag ndag nang e tin bfel’ nge tin ba kireb.

Job 6 (YAPE)

In Other Versions