Isaiah 60 (MAAL)
1 ዬሩሳላሜ!ፖዓ ኔኤኮ ሙኬሢሮ ዔቂጋፓ ፖዒሤ፤ናንጊና ናንጋ ጎዳኮ ቦንቻ ኔ ጊዳ ፖዓኔ። 2 ሳዖ ቢያ ዹሚ፥ ሻኔ ዹሚያ ሜሌ ዴሮ ካንቃንዳኔ፤ጋዓንቴ ናንጊና ናንጋ ጎዳ ኔ ጊዳ ፖዓንዳኔ፤ዒዛኮ ቦንቻ ኔኤም ፔጋዺ ጴዻንዳኔ። 3 ሜሌ ዴራ ሃንጋ ኔኤኮ ፖዖ ባንሢካኣታኣ ኔኤኮ ፆርቂ ኬስኬ ዓቦ ባንሢ ሙካንዳኔ። 4 ዼጊ ጌዒጋፓ ኔኤኮ ኮይሎይዳ ዓኣ ባኮ ዛጌ!ቢያሢ ቡኪንቲ ኔ ባንሢ ሙካንዳኔ፤ዓቲንቆ ናኣታ ኔኤኮ ሃኬ ዓጪዳፓ ዬዓንዳኔ፤ዉዱሮ ናኣታኣ ኔኤኮ ሾኦጴይዳ ቃልሲንቲ ሙካንዳኔ። 5 ኔኤኒ ዬያ ዛጊጋፓ ዎዛና ሙስታንዳኔ፤ዼኤፖ ባዞይዳፓ ጴዻ ዓንጆናዴሮይዳፓ ጴዻንዳ ቆላኣ ኔኤሮ ማዓንዳሢሮዒናፓ ማዔ ሚርጌ ዎዛ ኔኤኒ ዎዛዻንዳኔ። 6 ሚኢዲያሜና ዔፖ ዓጮናፓሙካ ጋኣላሢ ሳዖ ኔኤኮ ኩማንዳኔ፤ዎርቄንታ ዑንጆንታ ዔኪ ሳኣባ ዓጮይዳፓሙኬ ዓሳ ቢያናንጊና ናንጋ ጎዳ ዼጊ ጌዔ ዑኡሲና ጋላታንዳኔ። 7 ቄዳሬ ጌይንታ ዓጮኮ ማራታ ቢያ ኔ ባንሢ ሙካንዳኔ፤ኔባዮቴ ዓጮይዳ ዓኣ ዓዶ ማራታ ሚቺ ዒንጎ ዒንጊፆም ማዓንዳኔ፤ዒንጊፆ ታኣም ሺኢሾ ቤዞይዳ ታና ዎዛሳ ዒንጊሢ ማዓንዳኔ፤ቦንቺንቴያ ማዔ ታኣም ዱማዼ ማኣሮ ታኣኒ ሚዛጲሳንዳኔ። 8 ዶኦላ ፔኤኮ ማኣሮ ባንሢ ባራናሢጉዲሻኣሬያ ሴካ ሃንጋ ሃንታሢጉዲዬንሢ ሃንታዞንሢ ዖናንሢዳይ? 9 ዒዚ ኔና ቦንቺሴሢሮናንጊና ናንጋ ጎዳ ማዔ ኔ ፆኦዛሢ ሱንፆናዒስራዔኤሌኮ ዱማዼሢ ቦንቻኒኔኤኮ ናኣቶ ሃኬ ዓጮይዳፓዔያቶኮ ቢሮና ዎርቆና ዎላ ዔኪ ሙካኒዋኣፆ ሳዞ ዓጮንታ ቴርሴሴኮ ዋኣፆ ካኣሚሎንታቤርታዺ ጊኢጊ ካፓኔ። 10 ታኣኒ ታ ዻጎና ሜቶ ኔና ሄሊሴኔ፤ሃሢ ጋዓንቴ ታኣኒ ኔኤም ሚጪንታንዳኔ፤ሜሌ ዓጮ ዴራ ኬኤሎ ዲፆ ኔኤኮ ጊንሣ ኮሻንዳኔ፤ዔያቶኮ ካኣታኣ ኔኤም ማዻንዳኔ። 11 ኔኤኮ ጌሎ ካራ ቢያ ዎዴ ቡሊንቴያ ማዓንዳኔ፤ሮኦሮታቴያ ዋኣንቶ ፔቴታዖ ዎዺንታዓኬ፤ዬይ ያዺ ማዓንዳሢ ዴሮኮ ቆሎንታዲዒንቴ ካኣቶንታ ዔኪ ዬዒ ጌልዛኒኬ። 12 ኔኤም ዓይሢንቲ ማዹዋ ዴሮና ካኣቶና ጋዓንቴ ጋፒ ባይቃንዳኔ። 13 ታኣኮ ጌኤዦ ማኣራ ዓኣ ቤዞ ሚዛጲሳኒሊባኖኦሴ ዓጮኮ ቦንቾ ማዔ ዚቢቆንታዴኤሎይዳ ዓኣ ዓስታ ጌይንታ ሚፆንታ ዚቢቆንታዔያታ ኔኤም ዔኪ ሙካንዳኔ፤ታኣኒያ ታኣኮ ቶካ ሄርቃ ቤዞ ቦንቻንዳኔ። 14 ኔና ሄርቂ ዎይሣ ዓሶኮ ዜርፃ ኔ ባንሢ ሙካንዳኔ፤ቦንቾ ዔኤሊሢያ ኔና ዔኤላንዳኔ፤ኔና ቶኦቼ ዓሳ ቢያ ኔኤኮ ቶኮ ዴማ ጉምዓታንዳኔ፤ዔያታ ኔና፦ «ዒስራዔኤሌኮ ዱማዼ፥ ናንጊና ናንጋ ጎዳ ካታሞ ፂዮኔ!» ጋዓንዳኔ። 15 «ሃያኮ ቤርታ ሃሺንቴያና ዒፂንቴያዓይጎ ዓሲያ ኔጊዴና ዓኣዹዋያ ኔ ማዔያታቴያናንጊና ሄርሺንቶያና ሙካ ሾይንቶኮ ቢያዎዛ ቤሲ ታ ኔና ማሃንዳኔ። 16 ናይ ፔኤኮ ዒንዶ ዻንፆ ዻንቃሢጉዲኔ ናኣታ ዴሮንታ ካኣቶንታኮ ቆሎ ዔኪዔያቶሮ ማሃንዳኔ፤ኔኤኒያ ታኣኒ ናንጊና ናንጋ ጎዳ፥ ኔና ዓውሳሢታሢያይቆኦቤኮዋ ዼኤፖ ፆኦዛሢ ማዔሢ ዔራንዳኔ።» 17 «ታኣኒ ሞኦኖ ዓንጎ ቤዞ ዎርቄዓንጎ ቤዞ ቢራ ዓንጊሚፆ ቤዞ ሞኦና ዓንጊሹጮ ቤዞ ዓንጊ ዔኪ ሙካንዳኔ።ኮሹሞ ዓዳ ኔና ዎይሣ ቢቲ ማሂፂሉሞ ዓዳ ኔኤኮ ሱኡጌ ማሂ ታ ጌሣንዳኔ። 18 ሃካፓ ሴካ ሳዖይዳ ኔኤኮ ዋይዚ ዒፂሢ ዑኡሲኔኤኮ ዛጶይዳ ባይሲንታ ሃንጎ ሻሂንቲሢ ዋይዚንታዓኬ፤ጋዓንቴ ኬኤሎ ዲሮ ኔኤኮ ኔ ‹ዻቂንታ›ኬኤሎ ዲሮ ካሮዋ ‹ጋላታ› ጌይ ኔ ሱንሢ ጌሣንዳኔ።» 19 «ሃካፓ ሴካ ሮኦሮና ዓቢ ኔኤም ኮይሱዋሴ፤ዋኣንቶ ዓጊኒ ኔኤም ፖዓዓኬ፤ጋዓንቴ ናንጊና ናንጋ ጎዳ ኔኤኮ ፖዓሢፆኦዛሢያ ኔኤኮ ቦንቾ ማዓንዳኔ። 20 ናንጊና ናንጋ ጎዳ ኔኤም ፖዔ ጎይሣ ናንጋንዳሢሮዓባ ኔኤኮ ፔቴታዖ ጌላዓኬ፥ ዓጊናኣ ፖዒፆ ሃሻዓኬ፤ኔኤኮ ሜታሢ ዎዳ ጋፓንዳኔ። 21 ዴራ ኔኤኮ ፂሎ ማዓንዳኔ፤ዓጬሎዋ ናኣናና ዔያቶሮ ማሂ ዻካላንዳኔ፤ታና ዔያታ ጋላታንዳጉዲ ታኣኒ ዔያቶ ማዤኔ፤ታኣኒ ዔያቶ ባቃልሲ ቱኬያኬ። 22 ኔኤኮ ዻካ ፃጲ ማዔዞንሢ ሚርጌ ሺያና ፓይዲንታ ዴሬ ማዓንዳኔ፤ቢያፓ ጋፒንሢ ላኣፓ ማዔዞንሢ ዎልቄና ዓኣ ካኣቶ ማዓንዳኔ፤ታኣኒ ናንጊና ናንጋ ጎዳ ዬይ ዎዳ ሄላዛዬያ ሩኡሪና ማዺ ኩንሣንዳኔ» ጌዔኔ።