Deuteronomy 33 (YALU)
1 Benun Musa xa faxa, Alaa muxuna, a yi duba Isirayila kaane xa, a naxa: 2 Alatala fa nɛnkeli Sinayi geyaan fari alo sogena.A yi te Seyiri bɔxɔniIsirayila kaane yi dɛnaxan yi.A nɔrɔn yi godo a yamaan makeli Paran geyaan fari,maleka wuli wuyaxi yi biraxi a fɔxɔ ra. 3 Ala Isirayila bɔnsɔnna xanuxi yati!A a muxu sariɲanxine kantanma,naxanye e xinbi sinma a bun,e yi a xaranna ramɛ. 4 Musa bata sariyan fi en ma,alo nafunla Yaxubaa yamaan xa. 5 Ala findi nɛn Isirayila Mangan na,yamaan yɛɛratine malanni,e nun Isirayila bɔnsɔnne birin. 6 Ala xa siin fi Rubɛn bɔnsɔnna ma,Ala xa siimayaan fi Rubɛn yixɛtɛne ma,a yamaan yi wuya ayi. 7 Musa falani ito nan ti Yuda bɔnsɔnna fe yi, a naxa,“Alatala xa Yuda xuiin namɛ,alogo a xa fa a yamaan ma,Yuda yi a yɛtɛ xun mayɛngɛ.Ala xa a mali a yaxune yɛngɛdeni.” 8 Musa falani ito nan ti Lewi bɔnsɔnna fe yi, a naxa,“Ala, i bata Yurima nun Tumin soLewi bɔnsɔnna yii i sagoon kolon feen na.I rafan muxune nan e ra,i naxanye kɛɲaan fɛsɛfɛsɛ Masa yi,i naxanye makiti Meriba igene fe ra. 9 E mi bira e fafe nun e nga sagoon fɔxɔ ra,xanamu e ngaxakedennehanma e diine,koni e bira nɛn i ya fala gbansanna fɔxɔ ra,e yi i ya layirin kantan. 10 E tan nan Yaxuba bɔnsɔnna xaranmai ya yamarine ma,e yi Isirayila kaane xaran i ya sariyan ma.E wusulanna gan,e saraxa gan daxine ba i ya saraxa ganden fari. 11 Alatala xa e baraka.Ala xa barakan sa e kɛwanle birin yi.Ala xa e yɛngɛfane sɛnbɛn ɲan.Ala xa e yaxune rabiraalogo e nama fa nɔ kelɛ sɔnɔn.” 12 Musa falani ito nan ti Bunyamin bɔnsɔnna fe yi, a naxa,“Alatala xanuntenne nan ne ra.E luma nɛn Ala fɛma bɔɲɛ xunbenli,bayo a e ratangama nɛn waxatin birin,a mɔn yi lu e xɔn.” 13 Musa falani ito nan ti Yusufu bɔnsɔnna fe yi, a naxa,“Alatala xa barakan sa e bɔxɔni.Ala xa xiila ragodo a ma keli kore.Ala xa tigi igen namini a ma keli bɔxɔni. 14 Ala xa sogen xa fan e sansine ra,kike yo kike e bogine yi mɔ. 15 Ala xa e xɛɛne rasabatigeya bɔxɔ faɲine ma. 16 Ala xa e bɔxɔn bogi seene fan.Ala naxan falan ti fɔtɔndini,a xa hinan Yusufu ra,a naxan sugandixi mangan naa ngaxakedenne tagi. 17 Xunna kenla Yusufu xa.A sɛnbɛn gboalo ɲingen dii tura singena,a fenne nan a yɛngɛso seene raalo burunna ɲingena.A siyane birin nɔma nɛnhan bɔxɔn danne.Efirami bɔnsɔnna wuli fu ganle nan ne ra.Manase bɔnsɔnna wuli wuli ganle nan ne ra.” 18 Musa falani ito nan ti Sabulon bɔnsɔnna fe yi, a naxa,“Sabulon bɔnsɔnna, ɛ sɛwa yulayani.Isakari bɔnsɔnna, ɛ sɛwa ɛ bubune kui. 19 Ɛ siyane xilima nɛn geyaan fari,ɛ saraxa tinxinxine ba.Amasɔtɔ ɛ ɛ balon sɔtɔma nɛn fɔxɔ igen nafunli,e nun hɛrisigɛn naxan fɔxɔ igen dɛ.” 20 Musa falani ito nan ti Gadi bɔnsɔnna a fe yi, a naxa,“Ala xa na kanna barakanaxan Gadi a bɔxɔn nagboma ayi.Gadi dɔxi mɛnni alo yatannaxan suben suxu a a sanna nun a xunni bɔ. 21 Gadi bata dahamu bɔxɔn findi a gbeen naalo mangan naxan tixi yamaan yɛɛ ra.A bata Alatala fe ragidixin nakamali,a mɔn bata Alaa kitin sa Isirayila ma.” 22 Musa falani ito nan ti Dan bɔnsɔnna fe yi, a naxa,“Dan luxi nɛn alo yata sɛnbɛmaan naxan kelima Basan bɔxɔni a tugan.” 23 Musa falani ito nan ti Nafatali bɔnsɔnna fe yi, a naxa,“Nafatali rafan Ala ma han!Alatala barakan saxi a fe yi kati!Ala xa a bɔxɔn nagbo ayi sogegododenie nun yiifanna ma.” 24 Musa falani ito nan ti Aseri bɔnsɔnna fe yi, a naxa,“Ala xa Aseri baraka Yaxuba a diine yɛ.A ngaxakedenne xa hinan a ra.A turen xa gbo ayihan a yi a sanna maxa a ra. 25 Ala xa ɛ taan so dɛɛn findi wuren nun sulan na.Ala xa kɛndɛyaan fi ɛ ma ɛ siimayaan birin yi.” 26 Musa mɔn yi a fala,“Isirayilaa Ala maliga yo mi na.A kelima kore, a fa i mali.A kundani gidima a nɔrɔni. 27 Habadan Ala nan i yigiyaden na,a habadan yiine nan nasoxi i bun.A i yaxune kedima nɛn i yɛɛ ra,a naxa, ‘E halagi!’ 28 Isirayila dɔxɔma nɛn bɔɲɛ xunbenli.Ala Yaxuba bɔnsɔnna luma nɛn a danna,murutun nun manpa nɛnɛn yi gbo a bɔxɔni,xiila fan yi sa keli kore. 29 Sɛwana ɛ xa, Isirayila kaane.Ɛ maliga yo mi na siyane yɛ,Alatala naxan nakisima.A tan nan ɛ yɛ masansan wure lefaan na,ɛ mali tiina,a tan nan findixi ɛ nɔ ti silanfanna ra.Ɛ yaxune e mafelenma nɛn ɛ yɛtagi,ɛ fan yi e taane kidene kala.”
In Other Versions
Deuteronomy 33 in the ANTPNG2D
Deuteronomy 33 in the BNTABOOT
Deuteronomy 33 in the BOHNTLTAL
Deuteronomy 33 in the BOILNTAP
Deuteronomy 33 in the KBT1ETNIK
Deuteronomy 33 in the TBIAOTANT