Isaiah 48 (YAPE)

1 Motoyilgad ko ran’ey, gimed e girdi’ nu Israel,gimed e pi’in owchen Judah:Gimed ma mow nga fithingan SOMOLma gimed ma yog ni gimed ma liyor ngak Got nu Israel —machane dariy bbug e thin ni gimed ma yog ni aram rogon u wan’med. 2 Ma kam ufgad ngay gimed be yogni gimed girdi’en fare binaw nib thothupni fare Got rok yu Israel e gimed be toer ngak,ni fithingan e SOMOL ni Gubin ma Rayag Rok. 3 Be ga’ar SOMOL ngak yu Israel,“Kakrom e u gog ko mang e nge buch;mu gu gagiyegnag nge taw ngay nib tomgin. 4 Gumnang ni bay um pired ni gimed ba gel’an,ni bod feni el e wasay ma dab m’inggad ni bod e bronze: 5 Ere kakrom e gu yi’iynag e tin bayib nga m’on u puluwmed,u gog e pin’en ni bayib u m’on ni dawri taw,ya nge siy mognedni pi liyos nge pi fon romed e yad e kar gagiyeg niged ke yodrom. 6 “Gubin e tin u gog e go’ ke taw ngay;dabisiy ni ngamoged nriyul’ e tin u gu yi’iynag.Chiney e ngog ngomed e tin be’ech ni bay fini yib,boch ban’en nda gu dag ko som’on. 7 Fin chiney e kug gagiyegnag ni nge yodrom e pin’em;dariy ban’en ni aray rogon nike yodro’ kakrom.Fa’anra mang e yodroy kakrom, ma gimed ra yog ni gimed manang murung’agen. 8 Gu manang ni dabyag ni nge pagan’uy ngomed,ya go’ yi manangmed ni gimed ba tatogopluw.Aramfan ni dawor mu rung’aged murung’agen e ran’ey,aramfan ndariy bbug e thin riy ni thap nga telmed. 9 “Fan e nge mathangeluwolnag e girdi’ fithingag,er fan nikug k’adan’ug ko damumuw rog;gube fil an’ug ni nge dab gu thang owchemed. 10 Gu sikeng nagmed u fithik’ nifiyen e gafgow,ni bod e silber ni kan ranrannag ni nge macholbog u mit e nifiy.Machane kug pir’eg ni dariy ban’en ni gimed bfel’ ngay. 11 N’en ni gu be rin’ e ku gu rin’ ni fan ngog —dab gu pag fithingag ngan m’aynag fanara gu pag be’ nge fanay boch bugwagnib milfan ngog ni go’ gag ngay.” 12 Be ga’ar SOMOL,“Mmotoyilgad ngog gimed e girdi’ nu Israel ni gag e kug piningmed!I gag Got, ko tobolngin nge tungun, kemus ni gag e Got! 13 Pa’ag e ngongliy e deaf ko faylengme filath lanelang.Nap’an ni gu pining e fayleng nge lanelangma kachingiyal’ nem miyow yib nga pe’owcheg. 14 “Mu’ulunggad ngam motoyilgad, ni gimed gubin!Dariy reb e got ni yag ni nge yi’iynagni fare mo’on ni gu mel’eg e ra cham nga Babylon;ni bayi rin’ e n’en ni gu ba’adag ni nge rin’. 15 I gag e en ni gu non nggu pining;nggu pow’iy mu gu gagiyegnag nge fel’ rogon. 16 “Mu chugurgad ngog ngam rung’aged e n’en ni gu be yog.Aram ko tobolngin e ug non nib tamilangma gubin ngiyal’ ni ug gagiyegnag nge yib i m’ug e thin rog nib rriyul’.” (I SOMOL Ni Th’abi Tolang e ke pi’ gelngin ngog e chiney ma ke l’oegneg.) 17 Fare Got nib thothup nu Israel,fare SOMOL ni ayuwegmed e ga’ar:“I Gag SOMOL ni Got romed,fa en ba’adag ni nge fil ngomed e tin ni bfel’me pow’iymed ko fare kanawo’ ni ngam marod riy. 18 “Fa’an mang e um motoyilgad ko tin kugog nigu reg e thinriy ni ngan rin’!Ma aram e ra map’ e fla’ab nga dakenmedni bod ba lul’ ni der mlik.Ma aram bay u mu gelgad ko maelni bod e n’ew ni be lobeb i yib nga dep’el’ay. 19 Pi’in owchamed e yad ra bod urngin e yan’,ma ra gu micheg ni dariy e ngiyal’ ni ngan thang owcharad.” 20 Mu chuw u Babylon, mman nike puf rogom!Mu tolulnag murung’agen u fithik’ e felfelan’; muruwliy ngan nang u gubin yang:“I SOMOL e ke ayweg yu Israel ni tapigpig rok!” 21 Nap’an ni pow’iy SOMOL e girdi’ rok u daken e ted nib gowal ma ba fengfeng,ma darm’ad ko balel.I gagiyegnag e ran nge yib u fithik’ e war ni fan ngorad;i say e war nge mab, nge yib e ran riy nga wuru’. 22 Be ga’ar SOMOL, “Dariy ban’en nra ayweg e pi’in tadenen.”

Isaiah 48 (YAPE)

In Other Versions