Lamentations 1 (IRVT)
1 2 ஐயோ, மக்கள் மிகுந்த நகரம் தனிமையாக உட்கார்ந்திருக்கிறாளே!விதவைக்கு ஒப்பானாளே! தேசங்களில் பெரியவளும்,அந்த தேசங்களில் இளவரசியுமாயிருந்தவள் வரிகட்டுகிறவளானாளே! 2 இரவுநேரத்திலே அழுதுகொண்டிருக்கிறாள்;அவளுடைய கண்ணீர் அவள் கன்னங்களில் வடிகிறது;அவளுக்குப் பிரியமானவர்களில் அவளைத் தேற்றுபவர்கள் ஒருவரும் இல்லை;அவளுடைய நண்பர்கள் அனைவரும் அவளுக்குத் துரோகிகளும் விரோதிகளுமானார்கள். 3 யூதா மக்கள் உபத்திரவப்படவும், கொடுமையான அடிமை வேலைசெய்யவும்சிறைப்பட்டுப்போனார்கள். அவள் அந்நிய மக்களுக்குள்ளே தங்குகிறாள்,இளைப்பாறுதல் அடையமாட்டாள்;அவளைத் துன்பப்படுத்துகிற அனைவரும்அவளை அவளுடைய இக்கட்டான நேரங்களிலே தொடர்ந்துபிடித்தார்கள். 4 பண்டிகைக்கு வருபவர்கள் இல்லாததினால்,சீயோனுக்குப் போகிற வழிகள் புலம்புகிறது;அவளுடைய வாசல்கள் எல்லாம் பயனற்றுக்கிடக்கிறது;அவளுடைய ஆசாரியர்கள் தவிக்கிறார்கள்;அவளுடைய இளம்பெண்கள் சஞ்சலப்படுகிறார்கள்;அவளுக்குக் கசப்பே உண்டாயிருக்கிறது. 5 அவளுடைய விரோதிகள் அவளுக்குத் தலைவர்களானார்கள்,அவளுடைய பகைவர்கள் செழித்திருக்கிறார்கள்;அவளுடைய மிகுதியான பாவங்களுக்காக யெகோவா அவளைச் சஞ்சலப்படுத்தினார்;அவளுடைய பிள்ளைகள் எதிரிக்கு முன்பாகச் சிறைப்பட்டுப்போனார்கள். 6 சீயோனாகிய மகளுடைய அழகெல்லாம் அவளை விட்டுப்போனது;அவளுடைய தலைவர்கள் மேய்ச்சலைக் காணாத மான்களுக்கு ஒப்பாகி,பின்தொடருகிறவனுக்கு முன்பாக பலமில்லாமல் நடந்துபோனார்கள். 7 தனக்குச் சிறுமையும் தவிப்பும் ஏற்பட்ட நாட்களிலேஎருசலேம் ஆரம்பநாட்கள் முதற்கொண்டு தனக்கு உண்டாயிருந்த இன்பமானவைகளையெல்லாம் நினைக்கிறாள்;அவளுக்கு உதவிசெய்பவர்கள் இல்லாமல் அவளுடைய மக்கள் விரோதிகளின் கையிலே விழும்போது,பகைவர்கள் அவளைப் பார்த்து, அவளுடைய ஓய்வு நாட்களைக் குறித்து ஏளனம் செய்தார்கள். 8 எருசலேம் மிகுதியாகப் பாவம்செய்தாள்;ஆதலால் தீட்டான பெண்ணைப்போலானாள்;அவளைக் கனப்படுத்தியவர்கள் எல்லோரும் அவளை அசட்டை செய்கிறார்கள்;அவளுடைய நிர்வாணத்தைக் கண்டார்கள்;அவளும் பெருமூச்சுவிட்டுப் பின்னிட்டுத் திரும்பினாள். 9 அவளுடைய தீட்டு அவளுடைய ஆடைகளின் ஓரங்களில் இருந்தது;தனக்கு வரப்போகிற முடிவை நினைக்காமல் இருந்தாள்;ஆகையால் அதிசயமாகத் தாழ்த்தப்பட்டுப்போனாள்;தேற்றுபவர்கள் இல்லை;யெகோவாவே, என் சிறுமையைப் பாரும்;பகைவன் பெருமைபாராட்டினானே. 10 அவளுடைய இன்பமான எல்லாவற்றின்மேலும் விரோதி தன் கையை நீட்டினான்;உம்முடைய சபையிலே வரக்கூடாதென்று தேவரீர் விலக்கிய அன்னியர்கள்உமது பரிசுத்த ஸ்தலத்திற்குள் நுழைவதைக் கண்டாள். 11 அவளுடைய மக்களெல்லோரும் ஆகாரத்தைத்தேடித் தவிக்கிறார்கள்;தங்களுடைய உயிரைக் காப்பாற்றத்தங்களுக்குப் பிரியமானவைகளை ஆகாரத்துக்கென்று கொடுத்துவிட்டார்கள்;யெகோவாவே, நோக்கிப்பாரும்;நினைக்கப்படாதவளானேன். 12 வழியில் நடந்துபோகிற அனைத்து மக்களே,இதைக்குறித்து உங்களுக்குக் கவலையில்லையா?யெகோவா தாம் மிகவும் கோபப்பட்ட நாளிலே என்னை வருத்தப்படுத்தியதால்எனக்கு ஏற்பட்ட என் துக்கத்திற்குச் சரியான துக்கம் உண்டோ என்று என்னை நோக்கிப்பாருங்கள். 13 உயரத்திலிருந்து என் எலும்புகளில் அக்கினியை அனுப்பினார்,அது அவைகளில் பற்றியெரிகிறது;என் கால்களுக்கு வலையை வீசினார்;என்னைப் பின்னிட்டு விழச்செய்தார்; என்னைப் பாழாக்கினார்;தினமும் நான் பெலவீனப்பட்டுப்போகிறேன். 14 என் மீறுதல்களின் நுகம் அவருடைய கையால் பூட்டப்பட்டிருக்கிறது;அவைகள் பிணைக்கப்பட்டு என் கழுத்தைச் சுற்றிக்கொண்டது;என் பெலனை இழக்கச்செய்தார்;நான் எழுந்திருக்க முடியாதபடி ஆண்டவர் என்னை ஒடுக்குகிறவர்களின் கையில் ஒப்புக்கொடுத்தார். 15 என்னிடத்திலுள்ள பலசாலிகளாகிய எனக்குரிய அனைவரையும் ஆண்டவர் மிதித்துப்போட்டார்;என் வாலிபர்களை நொறுக்குவதற்காக எனக்கு விரோதமாக ஒரு கூட்டத்தை வரவழைத்தார்;திராட்சைப்பழத்தை ஆலையில் மிதிக்கிறதுபோல,ஆண்டவர், மகளாகிய யூதா என்னும் இளம்பெண்ணை மிதித்தார். 16 இவைகளுக்காக நான் அழுகிறேன்; என் கண்,என் கண்ணே கண்ணீரை சிந்துகிறது;என் உயிரைக் காப்பாற்றித் தேற்றுகிறவர்கள் என்னைவிட்டு விலகினார்கள்;பகைவன் மேற்கொண்டதினால் என் பிள்ளைகள் பாழாய்ப்போனார்கள். 17 சீயோன் தன் கைகளை உதவிக்கா விரிக்கிறாள்;அவளைத் தேற்றுபவர்கள் ஒருவருமில்லை;யெகோவா யாக்கோபைச் சுற்றிலும் உள்ளவர்களை அவனுக்கு விரோதிகளாகக் கட்டளையிட்டார்;அவர்களுக்குள்ளே எருசலேம் தீட்டான பெண்ணுக்கு ஒப்பானாள். 18 யெகோவா நீதிபரர்;அவருடைய கட்டளைகளுக்கு விரோதமாக நான் எழும்பினேன்;மக்களே, நீங்கள் எல்லோரும் இதைக் கேட்டு என் துக்கத்தைப் பாருங்கள்;என்னுடைய இளம்பெண்களும், வாலிபர்களும் சிறைப்பட்டுப்போனார்கள். 19 என்னைச் சிநேகித்தவர்களைக் கூப்பிட்டேன்,அவர்களோ எனக்கு துரோகம் செய்தார்கள்;என் ஆசாரியர்களும் என் மூப்பர்களும் தங்கள் உயிரைக் காப்பாற்றிக்கொள்ளத்தங்களுக்கு ஆகாரம் தேடும்போது நகரத்தில் மூச்சு அடங்கி இறந்துபோனார்கள். 20 யெகோவாவே, பாரும், நான் நெருக்கப்படுகிறேன்;என் குடல் கொதிக்கிறது; நான் மிகவும் துரோகம் செய்ததினால் என் இருதயம் வேதனைப்படுகிறது;வெளியிலே பட்டயம் என்னைப் பிள்ளையற்றவளாக்கியது, வீட்டுக்குள்ளே மரணம் வந்திருக்கிறது. 21 நான் தவிக்கிறதை அவர்கள் கேட்டாலும் என்னைத் தேற்றுபவர்கள் ஒருவரும் இல்லை;என் பகைவர்கள் எல்லோரும் எனக்கு வந்த ஆபத்தைக் கேட்டு,தேவரீர் அதைச் செய்ததினால் சந்தோஷமாயிருக்கிறார்கள்;நீர் சொன்ன நாளை வரச்செய்வீர். அப்பொழுது அவர்களும் என்னைப்போலாவார்கள். 22 அவர்களுடைய பொல்லாப்பெல்லாம் உமது முகத்திற்கு முன்பாக வரட்டும்.என்னுடைய சகல பாவங்களுக்காக நீர் எனக்குச் செய்ததுபோல அவர்களுக்கும் செய்யும்;என் பெருமூச்சுகள் மிகுதியாயின,என் இருதயம் பலவீனமாயிருக்கிறது.
In Other Versions
Lamentations 1 in the ANTPNG2D
Lamentations 1 in the BNTABOOT
Lamentations 1 in the BOHNTLTAL
Lamentations 1 in the BOILNTAP
Lamentations 1 in the KBT1ETNIK
Lamentations 1 in the TBIAOTANT