Revelation 18 (SBT1E)

1 Masuole chu vântîrton dang invân renga juong chum ku mua. Ama han rachamneina lientak a dôna, male a roiinpuinân pilchung pumpui a êlminvâra. 2 Ama han rôl inringtakin ân ieka: “Amanu hah ânlet zoi! Babylon Roiinpui hah ânlet zoi! Amanu hah atûn chu ramkhoringei omna le ratha innim ngei; mitir om jâtngei murdi le vâ innim ngei chekinbuolna a hongni zoi. 3 Namngei murdi'n amanu uain hah an nêka a hurna uain rât hah. Pilchunga rêngngeiin amanu hah an inrêpui ngâia, male a hurna zotorboi renga rammuola sadâi mingei an neipui ngâi,” tiin. 4 Hanchu invân renga rôl dangin:“Hong jôk roi, ki mingei! Amanu renga hah hong jôk roi!Amanu sietnangei han nin inchel tet rang nimak;Amanu dûktongna han khom nin tong rang ni tet mak! 5 Amanu sietnangei hah invân insângtak ahong sunrak zoia,male Pathien'n a dikloina lampuingei khom a riettit ngâi. 6 Nin chunga a tholam anghan a chunga khom tho ungla;a tho ngei murdi hah bâknikin thuon nôk roi.Ju nêk ranga nangni a mintuo pe anghan bâknikarâtin a kilât minsip pe roi. 7 Amanu hah dûktongna tamtak le ngâisietshak roiroiinpui an ti le hoiinhâia amanunanâk ânpêk anghan.Amanunanâk mulungrîlin ân tia:‘Mahin, rêngnûn kên sunga!Meithâi reng ni mu-ung,Ngâisietna reng tong tet no ning!’ 8 Hima sikin, sûnkhat sûngin amanu hah dûktongna leh ripuingei,natna, ngâisietna, le mâitâm hong tung pe atih.Male amanu hah mei leh hâlin om atih,asikchu amanu, a roijêkpu hah, Pumapa Pathien râttak ani,” tiin ki rieta. 9 Pilchunga rêngngei amanu ânrêpui ngâi ngei le hoiinhâipui ngâi ngei han ma khopuilien kângna khu hah an mu tika chu chapin la châ an tih. 10 Amanu dûktongna hah tong sa ni-ung ti an chi sikin alazanna an indinga. Anni ngei han, “Babylon khopuilien roiinpui le det! Nu chungroi ântak! Nu chungroi ana! Konta khat sûngin te dûkmintongin no om zoia!” an tia. 11 Pilchunga sadâi mingei khom han amanu hah beidongin an châ zoia, tutên an neinunngei an rochôk khâi loi sikin; 12 tutên an rângkachak, sumdâr, lungmantamngei, le lungintêrngei; an rosompuon neinunngei, puonsendukngei, puoninnâlngei, le puonseninlârngei; thing mirimhoi jât dadangngei le sâiha leh an sin ngei murdi le thing manluttak, sumdâr le thîr le sâilungvâra an sin ngei; 13 male thingruzungthumngei, sâkjât mirimhoi ngei, mirimhoi hâljâtngei, murra le bero, uain le sariek, vâipôldi le bu, serâtte le belri, sakor le sakorkaringei, suokngei le munisi ringnangei an ni. 14 Sadâi mingeiin amanu kôm han, “Neinun asa ngei dôn ranga nu nuom murdi hah ânmang suo zoi, male ne neina le ne enhoina murdi ahek zoi, man nôk tet khâi no ti nih!” an tipea. 15 Sadâi mingei ma khopuiliena sadâi an thona sika hong nei ngei han, a dûktongna han tong sa ni-ung tih chi sikin alazanna inding an tih. Beidongin châ an ta, 16 male, “Khopuilien roiinpui rangin idôrmo ântak! Idôrmo ana! Amanu han rosompuon, puonsenduk le seninlâr, male rângkachak retheingei, lungmantakngei le lungintêrngei leh ânvo ngâia! 17 Male konta khat sûngin te a neinunsampâr murdi ânmang let zoi hi,” tîng an tih.Rukuonga ulienngei le a chuongngei, le rukuong chôipungei le adadangngei tuikhangliena ânloa ânvai ngei murdi khom alazanna indingin, 18 male amanu kângna meikhu hah an mûn chu: “Hi khopuilien roiinpui anga khopuilien hi chu la om reng ngâi mak!” tiin an inieka. 19 An lua phildi an phula, beidongin an chapa, “Khopuilien roiinpui rangin, idôra ântak! Idôra ana mo ani zoi! Amanu hah khopuilien a neina sika tuikhangliena rukuong dôn ngei khom lei nei sa thei! Konta khat sûngin le neinunngei murdi ânmang let zoia!” an tia. 20 Invân le Pathien mingei nan râiminsân roi! tîrtonngei le dêipungei nin râiminsân roi! Nin chunga a tholam angtakin Pathien'n a dem zoi sikin! 21 Hanchu vântîrton râttak hin bunôinalung lienpa dôra angha a lâka male tuikhangliena a vôrra, “Babylon khopui roiinpuilien chu hima dôra nân vôr nîng a ta, tutên mu nôk tet khâi noni ngei, a tia. 22 Serânda miringngei, munisi rôlngei, theili miringngei le bekul miringngei nu sûnga riet nôk ni tet khâi no nih! Sin zongna lama a sin thei mi reng nu sûnga om tet khâi noni ngeia; male nu sûnga han sângsuk rahang khom riet nôk ni tet khâi no nih! 23 Nu sûnga han châti vâr khom mu nôk tet ni khâi no nia; mâk le moi rahang reng nu sûnga han riet ni tet khâi no nih. Na sadâi mingei hah rammuol pumpuia mi lienngei an nia, male no dôi dikloiin rammuol pumpuia mingei nu huong ani!” 24 Babylon hah dêipungei le Pathien mingei thisen suokna khopuilien ani sikin dûkmintongin aoma; ani, pilchunga thata omngei murdi thisen suokna ani.

Revelation 18 (SBT1E)

In Other Versions